التصنيف: القسم الادبي

مازال أخذهم في النحو يعجبني=حتى تعاطوا كلام الزنج والروم
بمفعل فعل لا طاب من كلم=كأنه زجل الغربان والبوم

حمامة الفرت من أيدي ولاجت
وعليها الروح تتعـذب ولاجت
من أمس لليوم لاحطتولاجت
ولا ادري وين صارت بيهه الدنيا
*****************

وصفنا وما وصل حسنك وصفنه
لان ينرادلك كعده وصفنه
لو أنت بمدرستنه وصفنه
لو تاخذ صفر أنطيك ميه
*****************

أني احبك وانته تحبني وش على اهلك
أني أدك واللطم عليه وانته وش على اهلك
لجي ليم داركم واسبك وأشعل اهلك
وأشعل أهله إلي يبعدك عليه
*****************

مكانك بالروح فلا ينقاس وصفه
احبك حب أغلى من الذهب واصفه
وما حاجة للدكتور يكتب إلي وصفه
نظرت عيونك حبيبي صيدلية

*****************

أني واحد والي عدوان تسعة
وعلى موتي الناستسعة
خلص عمري وبقت أيام تسعة
خلصأسبوع ظل يومين إلية
****************

سهرت الليل بودادك و حييت
و قلت مرحبه بطارشكم و حييت
يا مطرب طفت بالكعبة وحييت
إذا جايب حبيبي وياك إليه
****************

كتلك اخذ كلبي وكتلي متريد
كتلك ما أريد ولا شبر بينا كتلي بس متر أريد
والله لو تلعب برشلونة ومدريد
متقربك حتى ألفيفا عليه
****************

اهمومي ماتعداها أرقام ونمر

متى نكدر نفوت أعليك ونمر

دليلي أعلى المصايب صلف ونمر

يضحك والدهر محرب عليه

***************

هـلا بـريحالشمال الجاي مناك
نريدك يا حبيبي وأنت مـناك
طـعـت بـيـه الذيغرك ومنـاك
حبيب الــروح ليـش تخون بـيـه
***************

وحق إلي تعبده الناس منشاف
الدمع من يومكم لليوممنشاف
ألف يا حيف شفي إنقطع منشاف
بعد هيهات جمعتنا سوية
***************

حبـيـبـي جـيتـك طـول واعـدهـا
دا كـررهـا على أحبابك واعدها
لياليالـبعـد احسـبهـا واعـدهـا
طـويـلـه صارت الفـرقـا عـلـيــه
***************

سروا و أنووا ظعنهم وين يردون
ظمايه ومن دموع العين يردون
لو أهلك حبيبيعبد يردون
رضيت إن جان يرضون بية
****************

أساسيبعشرتي وياك صبيت
وجنني الهوى وبالشوكصبيت
انجان أنت علية أدموع صبيت
بجيت أعيون من فركاك إلية
*****************

ياطارش هـاك اخـذ مكتوب وده
عـلـى الخان ألمحبه وخـان وده
ولـو كل الصار مو بوده
تـبـاعــدنــا بـلا ذنــبوخـطــيــه
****************

من منكم علي نشد منسال
جفيتوا و بجفاكم صوت من سال
شعندي غير دمع العين من سال
اخفف بيه الصار بية