داير قلبى فى دواير حاير و الله حاير
احب فيها ايه و افضل ايه و ليه
اوصف ايه و لا ايه
ده الوصف يا قلبى فيه
هو الصعب بعنيه
اوصف رقته و لا اوصف الشفايف
و لا البدر الى زافف النور على جبهته
اوصف سحر العيون و لا القلب الحنون
و لا لحظات جنون بعيشها فى صحبته
فيكى كل شئ جميل تكرارك مستحيل
صعبان عليا قلمى و شفقان على لسانى
دورت فى الحروف و فتشت فى المعانى
ما لقيت لوصفك حل و سألت نفسى هل ؟
بتوصف يا قلبى واحدة عايشة فى كوكب تانى
حيران ما بين و بين انى اقول ملاك
او انى اقول حور عين
المعنى منى طاير
و اللفظ معايا حاير
و داير قلبى فى دواير
