.
اشعر بالتعب ، كم انا مرهق .. احتاج الى الراحة ، ذهبت الى سريري ؛ استلقيت .. الفراش كان دافئاً والغرفة كانت بارده ……. هدوء عارم.
ذلك الهدوء المُخيف مع ضجيج افكاري
افكّرُ واتخيّلُ واضحكُ مع نفسي!
وكأني خرجت من ضجيج عالمي الواقعي الى عالمي الخاص
نمتُ ؟ هل نمت؟ لماذا لم اعد اشعر بجسدي ؟
لا اريد ان اتحرك اشعر بالراحه ، لم اعد اسمع شيئاً من حولي الا الفراغ ..
فجأه ، مع تجمد جسدي والفراغ المخيف حوله ، شعرت بأن هنالك شيئاً يريد ان يخرج مني ..
!
ماهذا ؟ انا خائف!
هل سأموت؟ ما الشيء هذا اللذي يحاول الخروج مني؟ أهيَ روحي؟
شعرت بأن هنالك شيئاً يريد الخروج
هدئتُ ، وجعلته يستمر بالخروج
سمعت اصوات مخيفة و غريبة ..
تجاهلتها ..
خرجت .. لقد خرجت !
انا ارى نفسي ؟ مستلقٍ على السرير ؟
انا اطير ..
انا خفيف .. اشعر بأني حرٌ الآن !
مهلاً .. انا بـوعيِّ ! انا مُدرك تماماً لمُّ يحصل معي الآن !
لقد خرجت من جسدي !
مارستُ الاسقاط النجمي !
الاسقاط النجمي ، هي مرحلة الخروج من الجسد ،
تخرج من جسمك لأي مكان تبيه .. المريخ ؛ ورا الشمس آي مكان.
كيف تعرف انك جالس تمارس الاسقاط النجمي ؟
اذا كنت مسترخي تماماً ، زي الظهر بعد ما تتغدا وتشرب شاهي
البعض يمارس انشطة كالرياضة او القراءة .. او يتبطح ويتفرج ..
المهم ،
في هذي الفتره تكون مرهق ومتعب..
تنسدح ..
الغرفة تكون باردة طبعاً مع هالحر ..
مو لازم تكون الغرفة باردة اهم شيء الحرارة المناسبة لك .
نكمل .. تنسدح
تجلس تفكر باللي صار بحياتك وتفكر وتضحك وتألف أحداث واشياء ماصارت لك..
تستغرق وقت يعني وانت تفكر ..
اللحظة المهمه ،
معاد تحس بجسمك ! يعني تحس انك بلا جسم .. احياناً تتمنى ماتتحرك عشان تسترخي اكثر
او تتمنى انك ماتتحرك لانك ماكان معاك نوم وتبي تنام ..
تتدخل جو افكارك تتلخبط …
احياناً نصل لهذي النقطة بعدين نقوم بسبب حد يصحيك .. او تقوم بسبب ذاك الحلم البثر اللي تطيح من مبنى وتقوم مرتعب ..
اذا ما قمنا ..
تبدأ تحس انه في شيء بيخرج من جسمك .. لا ماهي روحك لان الروح تبدأ تطلع من الاقدام ،
هذا جسمك الأثيري ، يبدأ بالخروج ..
معها تسمع اصوات مخيفة كـأصوات النحل او اي اصوات مخيفة..
آكيد بترتعب وتحاول تقوم من النوم .. لا تقاوم هذي مجرد تخيّلات ومخاوفك "تحدّها ، واهزمها ، واخرج الى العالم الذي تحلم به".
بعدما تتخطى هذي كلها .. مبروك خرجت من جسمك !
اللي جربوا الاسقاط النجمي ، قالوا بأن فيه خيط فضي يربط الجسم المادي "اللي هو جسمك" بالجسم الاثيري "الجسم اللي يطلع منك،زي الروح"
إيش تقدر تسوي لما تطلع من جسمك ؟
أبد ولا شيء تتمشى بس .. تتمشى في آي مكان يخطر ببالك ..وتقدر تشوف الناس بس ماتقدر تلمسهم ..
ويقولون بأن اللي مارسوا الاسقاط النجمي معاك في نفس اللحظة تقدرون تشوفون بعض !
هذا اللي قريته و انا مادري عن صحته لاني من رمضان الماضي احاول اجرب الاسقاط النجمي والنتيجة نومة اليمة.
والافضل انك ماتمارسه الا بعد تدريبات مكثفة مثل التأمل والاسترخاء
وممارسه الهاتا يوقا تساعد على التأمل والاسترخاء وممارسة الاسقاط النجمي بعد ..
والاحلام الجلية اللي تكلمت عنها بموضوعي السابق ظ‡ظ€ظ†ط§ ، تساعد على ممارسة الاسقاط النجمي بعد.
فيه قصص تقول بأن اللي مارسوه جاتهم حالة نفسيه !
اعتقد انهم على خطأ لان الاسقاط يساعد على معالجة الامراض النفسية.
قبل فتره شفت باليوتيوب مقطع تجربة عن الاسقاط ،
جابوا بنت .. حطوها بغرفة منعزلة .. وجابوا رف مرتفع عشان ماتصل له وحطو ورقة بها ارقام .. وقالوا لها مارسي الاسقاط النجمي واقري الارقام وقولي لنا وش هي ،
سوت اللي قالوا لها ! وعرفت وش الارقام عن طريق الاسقاط النجمي!
بصراحة شيء خرافي ..
ودي اجربه ، بس لاتجربونه لا بعد اطلاع ومعرفة كاملة وأسألوا الممارسين يمكن يفيدونكم.
وبس هذا هو موضوعي اللي كله سوالف مو شرح.
قال تعالى :
{وَمَا أُوتِيتُمْ مِنْ الْعِلْمِ إِلاَّ قَلِيلاً}
سبحانك ربي ما اعظم خلقك.
اتمنى انكم استفدتم كم معلومة ، و أسفة اذا الموضوع معقد ومخربط ، امسحوها بوجهي هالمره.
وأحب اشكر ✖яɪиa لانها قالت لي بالاسقاط النجمي ، الا انا ماكنت اعرف عنه شيء ، ربي يسعدها وين ماكانت.
وشكراً لحسن القراءة.
واسفة المخرج خرب نعوض ف الموضوع الجاي ان شاء الله ، تعبت .. *broken heart*.
بـاي.
