بسم الله الرحمن الرحيم
اليوم جبتلكم خبز جزائري احنا نقولوله (خميرة أو مطلوع ) هو جزائري كل منطقة ديره بطريقتها واللي جبتو انا هو بالضبط من منطقة واد سوف الواقعة في الجنوب الشرقي للجزائر ان شاء يعجبكم
بلا نطول عليكم
المقادير:
1 كيلو سميدة متوسطة
2معالق كبار خميرة خبز
ملح حسب الذوق
1ملعقة كبيرة حبة البركة
ماء حسب العجينة
الطريقة:
نجمع العجينة على شكل كرة و تترك لتخمر تقريبا ربع ساعة ،ثم نعجنوها مزيان حتى تكون ملساء
ثم نقطعوها 3 كرة متوسطة، ثم نقرصوها لازم تكون سنتيم
ونخلوها تخمر
في هاذاك الوقت تكوني سخنتي الطاجين
ثم نخبزها من جهاتين إلى تكون الوجتين حمراء
نخليكم معا الصور
وهذا الشكل النهائي
ان شاء الله تعجبكم ،
وماتبخلوش علينا بردودكم الحلوة
