اثبت مكانك هنا عنوانك
ده الخوف بيخاف منك و
ضميرك عمره ما خانك
اثبت مكانك
ده نور الشمس راجع
يا تموت و انت واقف
يا تعيش و انت راكع
اثبت مكانك
ده عينيك شايفة الدليل
ابعد عنهم و سيب
الحيطة عليهم تميييييل
اثبت مكانك
قلب الوطن اتجرح
و صوت الحرية
خلاص اتنبح
كلامك ما بيتفهمش
احساسك مابيتوصفش
كلامك ما بيتفهمش
احساسك مابيتوصفش
انت بتقول كرامة
هما يردوا بمهانة !!
انت بتقول العدل
بيقولوا عنك ندل !!
اثبت مكانك
هنا عنوانك
ده الخوف بيخاف منك
و ضمير عمره ما خانك
اثبت مكانك
انت نور الفجر
و هتافك صوته اعلي
من صوت الرصاص و الغدر
مطلوب منك السكوت.. تكون إنسان بديل.. مطلوب تسكت تموت، أو تعيش أسير.. عايش في أكبر سجن.. بس من جوايا حر.. حاضر، هاتعجب تكفي عني كل الشر.. الولاء للماضي وأفكار لينا صديقة.. كذب كاذب جوايا بيأكد الحقيقة.. إنعكاس تاريخ الزيف في المراية واضح.. طوبة تكسر المراية للحقيقة فاضح.. مستورين من جوانا ولو جسمنا إنكشف.. ف الي ينطق بالحقيقة بالخيانة اتوصف.. انهزام وانهزم.. لكن انتصاري واتسرق.. الحقيقة فبركوها بحزن على كتاب اتحرق.. أنا اللي ماتوا من سنة واللي قاتل ما اتشنق.. أنا السطور على الورق أنا اللي من جوه إتحرق.. أنا اللي شعري شاب بموته وهو طالب مدرسة.. أنا اللي ثابت مهما قالوا ومهما زودوا الأسى.
اثبت مكانك
و ادعي ويا الادان
لك رب اسمه الحق
و العدل و السلام
اثبت مكانك
و كتفك في كتف اخوك
لو مهما راحت تروح
الفكرة مش هتموت
كلامك ما بيتفهمش
احساسك ما بيتوصفش
كلامك ما بيتفهمش
احساسك ما بيتوصفش
انت بتقول كرامة
هما يردوا بمهانة !!
انت بتقول العدل
بيقولوا عنك ندل !!
ارجو ان تكون نالت على اعجابكم
