حابه نتكلم شوي عن الطقوس الغريبة اللي تصير في الاختبارات وحابه اكثر اتعرف على طقوسكم
وخاصة الأولاد ( الصبيان )
مع بداية الاختبارات وصلتني رسالة وسائط ضحكتني كثير وذكرتني بالزي مزا أيام المعاناة ( الاختبارات وقصة العذاب )
اكيد كثير عرفوها على الاقل اللي في السعودية لأن أظن انها انتشرت على نطاق واسع حبيت أشارككم بمضمون الرسالة اللي تقول (((( حركات البنات أيام الإختبارات ))))
بس طبعا مو بس البنات حتى الصبيان يسوون منها
نبدأ بالطقوس الاختباراتية الغريبة
احم أحم اكيد تقولون هذي متشمته بس والله ايه وجدا متخرجة من سنة ((( مساااااااااااااااكين يختبرون )))
1- الثلاث وجبات تقعد عليها أول وحده ( جوعانه المسكينة ) وأحيان تزيد وجبات اضافية إذا كانت المادة صعبة ودسمة …
2- تسوي نفسها تعبانه وياربييي ماني قادرة أذاكر حاسه بكتمة يمه مدري شفيني وتقعد
تقول أمها اسم الله عليك تعالي اقرا عليك وتقول الظاهر أحد صكني عين (( يا حبيبي عالحركات
عشان اذا رسبت بالمادة تقول عين )) ترا هذي واجده ماره علي مو أنا طبعا بس بنات يسوونها كثير
ذابحهم الدلع
3- بعضهم ينزل عليهم وسواس النظافة وتستحم ليل ونهار وتجلس تستشور شعرها والكتاب مرمي على جنب بس قريب حتى تحس بالآمان ( تقنع نفسها أنها باذله جهدها ) هذي أنا بس أنا بعد يجيني داء المكياج اقعد اتمكيج تقولون رايحه حفل زواج
4-ووحده ثانيه تترك الكتاب وتقوم تقيس فستان السهرةعشان بعد الاختبارات خبركم زواج فلانه وعلانه …( هذي كذا كذا ماهي مذاكرة فأحسن تسوي شي مفيد )
5- والبعض الآخر ( اخس يالعربي الفصحى ) ليلة الإختبارات عند الخياطه تسوي بروفة ( والله من قل الدبرة )
6- وبعضهم تنزل عليهم صلة رحم ( ويا كثرهم ) وتجيك تكلم صاحباتها القدام وقريباتها تضيع وقت أقصد تتهرب …
7- وفيه ناس تنزل عليهم شطارة من المريخ وتقوم تسوي لأهلها العشاء لا وبعد تغسل الصحون عن الشغاله ( يا سعد الشغالة )
8- وهذي مبتلية بحب الجوال ( قالبتها شات مو مسجات ) وما تحس بنفسها إلا قبل الفجر بشوي
تذاكر أي كلام (( " هذي وحده من الربع وخاصة ان ستار اكاديمي يجي مع الاختبارات وهات يا
سوالف عالجوال " حطي على ستار وشوفي فلان شيقول لفلانه الظاهر انه يحبها ….. ومن هالكلام "))….
9- وش رايكم باللي يصيبهم فيروس اختباراتي اسمه النوم وهو : فيروس وهمي نفسي
اختباراتي لا يظهر الا في الاختبارات وينعدم في الاجازات .. وهو يؤدي الى حاله غير طبيعية من
النعاس يشعر معه الطالب أنه لم ينم منذ شهر وإذا نظرت للطالب المصاب به ( ترحمه وتنزل
دمعتك عليه ) تقول حرام ما نام من سنه وتدعو له بالخلاص من هذا الهم … مع العلم انه يكون توه
صاحي من النوم غريبة صح ؟؟؟؟؟؟؟!!!!!!…
هذا أنا اعرفه زين ودايما يجيني هالفايرس أبعده الله عنا وعنكم جميعااااا
( رددو وراي آآآآآمين )
والله الإختبارات شي صعب ولكنها وقت رائع وتصير فيه مواقف مضحكه كثير ولكنها كابوس شئنا أم أبينا ( ريحينا يالخنساء)
ما علينا …
شورايكم في الحالات وش منها تصير لك خصوصا أنتم يأهل الثانويه
أتمنى أسمع آرائكم وطقوسكم وإذا فيه مواقف حلوه مرت عليكم في الاختبارات تشاركونا فيها …
خلونا نضحك مع ذكرياتكم …
أتذكر الحين موقف لأختي بالثانويه العامة مواصلة ونامت من بعد الظهر وجت الساعه 12 في الليل
ما صحت نحاول فيها حشا بقرة ما تحس وكل ما نصحيها تقول يله شوي ,,,, طيب خمس دقايق
بس ,,, يله الحين خمس دقايق بعد (( ياذي الخمس دقايق اللي ماتخلص ))
قمت أنا جبت الساعه اللي عندها وقدمتها للساعه 4 الفجر وصحيتها وأقول لها قومي صارت
الساعه 4 وما ذاكرتي بعد صحت وهي مفجوعه وصار لونها غبر على رمادي مخطط بأصفر
وصارت تبكي
أنا خفت قلت لا يصير في البنت شي أروح فيها قمت أقول لها وأنا طبعا فاطسه من الضحك أكذب
عليك بعدها 12 والله بعدها 12 تدرون شسوت جلست عشر دقايق تستوعب بعدين قالت خلاص
صحيني بعد ساعه …( بارده )
هذا موضوعي واتمنى يعجبك وانتظر ردودكم …..
.gif "flowr")
أخواتي الحبيبات معلمات جدة