التصنيف: القسم الاسلامي

دعونا نكمل
قناة الرسالة المختلطة مذيعات ومذيعين
من صاحبها
هو نفس صاحب قنوات روتانا قنوات الفجر التي تبث السم ليل نهار في هذه الأمة
قناة الرسالة المصاحبة للموسيقى
فيا له من دين
يا له من دين عصري فعلا
قناة الرسالة قناة الفنانات يستضيفون الفنانات ويأخذون برأيهن في الدين والفتاوي…إنها لله وإنا إليه راجعون
إليكم بعض هذه الصور المشرفة من هذه القناة العصرية الوسطية

وبالمناسبة
حتى قال الشيخ ابن عثمين عن السويدان "حاطب ليل"
من الشيخ بن عثيمين؟؟؟
الشيخ مات قبل أن نتعلم نحن كيفية الدخول على الشبكة العنكبوتية والمدونة وقبل أن نسمع عنه أصلا
ليعلم النائمون في العسل
أنه مع قدوم الفتن فهم في مهب الريح لكل دجال وكل مدلس
لنكمل

وكما قيل الطيور على أشكالها تقع
نهديكم هذه الصورة

فهم أصدقاء وقد ذهبا للدنمارك سويا فلماذا لا يدافع الرجل عن صديقه

ثم الداهية الأكبر
الصوفي المتشيع
الحبيب الجفري على قناة الرسالة

إنها مؤامرة تحاك بالسذج فمن شيعي إلى مائل للتشيع ثم يبث السم لشباب هذه الأمة
*******************
كان هذا مرورا سريعا على السويدان

شاهدت بالمصادفة في رمضان حلقات "دقيقة مع د. خالد الجندي" وهي حلقات أتحفنا بها تليفزيون مصر على حين غفلة من أهلها، وقد أدهشتني في بادئ الأمر، ثم أصابني الأمر بالحنق والغضب، فعدد الحلقات التي شاهدتها لم تتعد ثلاث أو أربع حلقات، ولكن ما بها من كوارث عقائدية كانت أكثر من أن تعد، وقد عزمت في بادئ الأمر نشر ما يقوله خالد الجندي والتعليق عليه، إلا أن ضيق الوقت وعدم وجود دليل مادي على ما قاله كانت حجراً عثراً أمام هذا، إلا أنه بالأمس وفقني الله فوقع تحت يدي موقع شركة الإعلانات التي يمتلكها مصري يحمل الجنسية الأمريكية، والتي قامت بتمويل البرنامج وبالموقع جميع الحلقات، والبرنامج عبارة عن نشر لدين جديد أسماه خالد الجندي "دين الحب" وأحياناً "دين الطيبين" بل أنه نادى بما نادى به أهل الكفر والجاهلية فقال "دين أبويا وأبوك وأمي وأمك" فسبحان الله !!! تشابهت قلوبهم.

وفي هذا الدين النصراني أولى من المسلم بالمعروف، والأديان الثلاثة صحيحة، وهناك أكثر من ثلاثون طريقاًٍ تصل بنا إلى الله عز وجل، وكالعادة "إبليس مش كافر يا جماعة … إتعلموها بقى"

عموماً، فقد قمت بتفريغ حوالي عشر حلقات من أصل ثلاثين، ولا أعتقد أني سأقوم بتفريغ ما تبقى، وقد هممت بالتعليق عليها، إلا أني رأيت أن أضع ما قمت بتفريغه بين يديكم وأترك التعليق لكم، وإن كان الأمر لا يحتاج للتعليق أكثر من "حسبي الله ونعم الوكيل".

وجميع الحلقات الرجوع إليها على هذا الرابط :

وإليكم الحلقات :

حلقة الدين المعاملة
………….

أستقيموا في عملكم يرحمكم الله

أستقيموا في ولائكم لوطنكم يرحمكم الله

أستقيموا في حبكم لبعضكم البعض

في علاقاتكم بالله

الأديان تدعوا إلى الحب
الأديان تدعوا إلى البر
الأديان تدعوا إلى الخير
الأديان تدعوا إلى الوئام
الأديان تدعوا إلى الوحدة
الأديان تدعوا إلى الإتحاد
الأديان تدعوا إلى أن نكون يداً واحداً

العبادة مش في المسجد العبادة في الشارع يا مسلمين ويا مسيحيين

———————

حلقة كلنا مصريين

نفسي أسألك سؤال

لو نزلت قنبلة في مكان ربنا يكفيكم الشر

حتنقى الدين ده وتاخد أتباع الدين ده

أبداً

القنبلة بتنزل بتاخد المسلم مع المسيحي

معناه

ان العدو واحد والوطن واحد

لما حد بيستهدف بلدك يبقى بيستهدفك أنت وجارك واللي متفق معاك وأللي مختلف معاك في الدين
بالله عليك

السلام حييجي من طريق فيه دين يوصلك لله، ولا دينك للواحد بعيد عن وطنك وبعيد عن مصيرك

احنا مهددين بناس عايزين يفرقوا بيننا، لو أديتهم الفرصة يبقى أنت بتتعاون مع أعداء دينك، وأعداء وطنك وأعداء بلدك

بلدك محتاجالك ومحتاجة لكل واحد يبنى ويعمر ويحمى

==============

حلقة جيراننا

واحد صاحبي قاللي نكتة قلتله قول

قالي النبي وصى على سابع جار ليه، قلتله ليه

قالي لأن الستة اللي قبله كانوا مسيحيين

قلتله والله نكتتك ظريفة، بس أنا عايز أقولك أن النبي مش وصى على سابع جار

لكن وصى على كل جار

وعلى فكرة الجار المسيحي أولى بالوصية من الجار المسلم،

وعلى فكرة النبي كان له جار يهودي لما غاب مرة عنه النبي راح سأل عليه لما عرف أنه مريض

على فكرة أحسن واحد عايز يثبت إيمانه، الرسول قال والله لا يؤمن من لا يأمن جاره بوائقه

يعني الجار اللي يخاف منك يبقى علامة على أنك مش مؤمن

جارك المسيحي أولى من جارك المسلم هو ده الدين

===================

حلقة التهنئة بالأعياد

كل سنة وأنتم طيبين

بالله عليكوا الكلمة دي أنت فهمت منها أنا بكلم مسلم ولا مسيحي

لما أقولها لمسيحي يبقى بسعده، ولما بقولها للمسلم يبقى بسعده

كان زمان المسيحيين في عيدهم يجيبولنا أكل ….

ودول سعداء أن دول فرحانين، ودول سعداء أن دول فرحانين

عمرنا في حياتنا ما كنا نتخيل اننا ما نقدرشي نترحم على حد فيهم، أو نعادي حد فيهم، أو ندعى على حد فيهم

كنا نزور مرضاهم، كنا نمشي في جنازاتهم، كنا نحب قلوبهم

كنا أيد واحدة
ومصير واحد
وقلب واحد

عشان كان لينا هدف واحد

كانت بلدنا بتضمنا
زي أبونا وأمنا
كان التراب بيحتوينا

كنا بنختلط بكل جزء من بلدنا بحبنا لبلدنا، وبحبنا لربنا

تقدروا ترجعولنا بلدنا تاني

أرجوكوا تعملوا كدة

======================

حلقة ماضي المسلمين والمسيحيين في مصر

ايه اللي حصل

طول عمرنا

ابويا وأبوك وأمي وأمك يحبوا بعض، ويتعاونوا مع بعض ويحبوا الناس كلها

جيران طيبين
أصحاب طيبين

طول عمرنا بنلعب في الشارع مع أولاد ما نعرفشي هم مسيحين ولا مسلمين

عارفين ليه ؟

كان فيه دين معين هو اللي بيربطنا كلنا ببلدنا أسمه دين الحب

دين الحب

اللي هو كان عليه أبويا وأبوك وأمي وأمك

الله يرحمهم ويحسن أليهم

ما كانوش بتوع شعارات وكلمات

ماكانوش شكلهم زي أشكال الناس الملتزمة دلوقتي مع إحترامي للجميع

ما كانوش رايحين وجايين عمرة وحج

انما كان سلوكهم كان سلوك طيبين

الدين دين الطيبين

الحب حب الطيبين

القلب قلب الطيبين

النهاردة الدين بتاعنا ده غريب

احنا ما نعرفوش

فيه حد قاصدني وقصدك

أرجع تاني للدين اللي كان عليه أبويا وأبوك وأمي وأمك الله يرحمهم ويحسن إليهم

السلام عليكم

====================

حلقة حرية الإختيار

أن نفساً لم تدر للحب طعماً هي نفس لم تدري ما معناها

ألا بالحب قد عرفت طريقي وأنا بالحب قد عرفت الله

ربنا سبحانه وتعالى كان ممكن ينزل شهب وزلازل وبراكين وملائكة تقطع الناس

عشان الناس تؤمن غصب عنهم بالعافية أن هناك إله

بالله عليك

ربنا ما أرغمنيش على أني أحبه، تقوم أنت عايز ترغمني أني أتبع دينك

ربنا ما أرغمنيش أني أسمع كلامه، شوفت في حياتك كام عاصي

شوفت في حياتك كام مذنب

شوفت في حياتك كام تارك للصلاة

مافيش شهاب نزل حرقهم

ما فيش زلزال خدهم وبلعهم

لأن ربنا ما يحبش أنه يرغم حد

ليه ؟

لأنه لا إكراه في الدين قد تبين الرشد من الغي

السلام عليكم

======================

حلقة الدين يسر لا عسر

تعرف أن أجمل حاجة في الدنيا ربنا بيحبها من الإنسان إيه

القلب الطيب

النفس النقية

النية الطيبة

اللي هو لا مؤاخذة يعني التدين بتاع أبويا وأبوك وأمي وأمك

التدين بتاع زمان

اللي كانوا واخدينها بالتكال على الله كدة

بشكل بسيط وطيب

تفتكر أبويا وأبوك وأمي وأمك كانوا بيغضبوا ربنا لما كانوا بيعبدوا ربنا بالحب والتكال على الله

هو ده اللي أنا عايز أقوله

أحنا النهاردة بقينا نردد شعارات وشعارات

وبقينا أكثر عنفاً وماتنكروش

أكثر حدة وماتنكروش

أكثر تشدداً وماتنكروش

والنتيجة أيه

النتيجة أن أحنا عايزين نعيد النظر مرة تانية

نعيد النظر في سلوكيتنا، نعيد النظر في قلوبنا

ربنا بيقول …. إلا من أتى الله بقلب سليم

السلام عليكم ورحمة الله

===============

حلقة اختلاف لا يفسد للود قضية

أجمل حاجة لما تختلف مع واحد وأنت بتحبه

ماشوفتش المنطق ده مع واحد ولا حتشوفه إلا في الديانات الصحيحة

اليهودية والمسيحية والإسلام

حتى القرآن يقولك إيه "لا تجادلوا أهل الكتاب إلا بالتي هي أحسن"

يعني بالبلدي كدة أللي عنده كلمة حلوة يقولها وإللي عنده كلمة وحشة يحوشها

عندك كلمة حلوة توفق تجمع هو ده الجدل اللي الإسلام أمره بين الديانات

أو الحوار حنسميه الحوار

يبقى الجدل اللي القرآن أمر بيه مش الجدل اللي بيؤدي للتنافر والخناق

الجدل يعني حوار يعني طرح البضاعة

أقولك أحنا عاملين زي أيه

زي التجار بنعرض على البشرية البضاعة بتاعتنا

تاجر يهودي
تاجر مسيحي
تاجر مسلم

وكل واحد بيفرش بضاعته، بتاعة المحبة والوفاق والأخوة

والسلام عليكم ورحمة الله وبركاته

==========================

حلقة شعوباً وقبائل

نفسي تتفرج مرة على نشرة الأخبار

وتشوف كل أجناس العالم

العالم كله ده ربنا خالق ليه الهندي والإفريقي والأوروبي والأمريكي وكل الأجناس دي ليه ؟

عارفين ليه ؟

عشان رسالة جميلة جداً ربنا خالقنا ليها

يا أيها الناس إن خلقناكم ………………… ليه ؟ لتعارفوا

ما قالشي لتناطحوا … لتقاتلوا … لتحاربوا بعضهم البعض … ل … كلك عارف

ربنا خالقنا للتعارف

التعارف يعني التواصل

يعني الحب

يعني المودة

يعني أي شئ يتنافي مع هذا التعارف

مش هو ده اللي ربنا خالقنا عشانه

ربنا خالقنا علشان نتعارف

عرفنا بعض ولا معرفناش بعض

حبينا بعض ولا لأ

هي دي رسالة الدين الذي يجب أن نتبعه

السلام عليكم ورحمة الله وبركاته

================

حلقة الطريق القويم

عارف لما أقولك تعالى نروح للإسكندرية

وتكتشف وأنت رايح أن فيه تلاتين طريق يوصلك للإسكندرية

هو دي الآخرة

الآخرة دي ليها تلاتين طريق

حتى ربنا بيقولك "ولكل منكم جعلنا شرعة ومنهاجاً"

شوف الجمال بتاع الدين

الدين بيقولك أن كل الطرق سوف توصل العبد في النهاية إلى الآخرة إلى الله سبحانه وتعالى

يبقى فين الخلاف

ليه نختلف

إذا كانت الطرق كلها تؤدي إلى الله

إذا كان كل واحد متصور أن هذا هو الطرق الذي يوصلك إلى الله سبحانه وتعالى

يبقى بالله عليك

فيه وجه أو فيه عقل أن فيه أنسان يحاول يجبر الناس أنهم يمشوا من طريق واحد

يا أخي أن تعدد الطرق دليل على الراحة وعلى السعة

وكل واحد وطريقه المهم في النهاية نوصل لرب العالمين

وكلمة شرعة اللي جاية منها كلمة شارع

وده معنى ذلك أن كل الشوارع تؤدي إلى الله

وربنا يتقبل منا جميعاً

والسلام عليكم

================

حلقة مفهوم كلمة الكفر

من الألفاظ اللي اتنشرت على لسان الناس كلمة يا كافر وما عرفشي أيه

على فكرة بعض الناس مش عارف معنى الكلمة

كلمة كافر مش معناه الملحد اللي لا يؤمن بوجود الله

ده ممكن الكافر ده يكون مؤمن

وحضربلك مثل إبليس

أبليس كان منكر لوجود الله، أبليس كان مشرك بالله ؟

أبداً أنما أنكر أمر من أوامره

عموماً أي واحد بينكر أمر من الأوامر يبيقى كفر بالموضوع ده

ودي كلمة فعل إسمه فعل كفر يعني غطى

يبقى كلمة كفر يعني غطى دي المعنى الأصلي لكلمة كافر اللي الناس لازم تعرفها

فإوعي تفتكر أن القرآن لما بيقول قل يا أيها الكافرون لا أعبد ما تعبدون، يعني القرآن بيسب أو بيشتم، لا

يعني يا أيها المنكرون يا من تنكرون ما أدعوكم إليه

هو ده معنى قل يا أيها الكافرون

السلام عليكم ورحمة الله

============

سمعت عن Egypt طبعاً يعني مصر

طب ليه ما سالتش نفسك الإسم ده جه منين

إيجبت يعني ده إسم مصر الأصلي جاية منها كلمة جبت

جبت يعني قبط

قبط دي يعني مصر

يعني أنت مسلم قبطي ، وأنت مسيحي قبطي

يعني مسلم قبطي ومسيحي قبطي

يعني يا عزيزي كلنا مصريون

كلنا نتمنى لنفس تراب هذا البلد

أنا بتعجب أوي لما نقسم المجتمع نقول دول مسلمين ودول أقباط

لأ مسلمين أقباط ومسيحيين أقباط

مصر كلها كانت مهد التوحيد

مهد شعار التوحيد

مهد الديانات

مصر إستقبلت كل رسالات السماء

إستقبلت موسى، إستقبلت عيسى، إستقبلت أتباع محمد

مصر إستقبلت كل الديانات وآمنت برسل السماء، وآمنت برسالات السماء

بالحب وبالتوحيد وبجمع الوحدة الوطنية لله عز وجل

كلنا أقباط