حلى التبن طريقة سهلة

اذا قالك احد كل تبن ! ..

لا تزعل

::
::
::

لان التبن حلا قمه في الروعه

الاسم لك عليه شوي

::
::
::

:: المقادير ::

بسكوت ( اولكر او هلال )
علبة قشطه
بياله شاهي سكر
نص فنجال زيت
3 ملاعق حليب بودره
3 ملاعق شوكلاته بودره
نستله
شعيريه باكستانيه

::
::
::

:: الطريقه ::

1 / نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..

2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره.. >> لازم ثلاث ارباع غيرة تخرب الطبخه

3 / نغمس البسكوت بالخلطه اللي سويناها قبل >>> ركزو زين عشان تطبقون

ونسويه ثلاث طبقات زي كذا ..>> لازم بعد ثلاث طبقات طبقتين مايصلح

طيب بعد مانسوي الكميه اللي قصيناها من البسكوت وخلصنا ….
نحطهم بالفريزر لمده ماتقل عن ساعه عشان تجمد الشكولاته وتتماسك ….

4 / نكسر الشعيريه الباكستانيه كسر صغيره مرره ونحمسها ع النار لحد ماتتشقر ….

5 / نطلع البسكوت من الفريزر ونغمسه بالنستله وبعدين يقلب بالشعيريه

نجي عاد لطريقة التقديم

نقصص من خيشة الرز او خيشة القهوه حبال زي اللي با لصوره لانه راح نستخدمهم بربط مربعات الحلا ….
( ماننسى اذا قصيناهم نغسلهم ) >> اللي مسوي ذا الموضوع نظيف