دموع الشوق بعيوني واحزاني تخاويني…
ثواني ليلتي غربة واعيش بعالم الحرمان ….
ادور بدنيتي تاية ولافي من يسليني …
سوى ذكرى قديمة في خواطر فكري السهران …
انا جرح الفراق احرق بقايا لهفة سنيني..
واماني عشتها كانت تجول بقلبي الولهان …
غريبة لحظتي صارت هموم ماتخليني ….
تبين للزمن حالي وترسم لها شقى انسان …
حبيبي لهفتي زادت وشوقي لك سكن فيني ..
متى تجمع ليالينا اماني عمري الخسران …
ترى طيفك معي دايم بليل الهم يطويني …
ينور لي مسافاتي ويروي لهفة الظميان …
غلاك بخافقي زايد وطيفك دايم بعيني ..
وصوتك بسمة ايامي وحبك يسكن الوجدان …
التصنيفات
