بسم الله الرحمن الرحيم
السلام عليكم ورحمه الله وبركاته
عارفه انو كل واحد منكم استغرب مني اني قاعده اعتذر من كل عضو 
السالفة ومافيها اني راح انذبح هذا الاسبوع قلت خليني اعتذر من الاعضاء ليكون غلطت عليهم بشيء
قبل مااموت
ادري البعض منكم راح ينطنط من الفرحه او راح يسوي حفلة للي راح يذبحني
عارفتكم تبغون الفكه مني خونه ماتحبوني
<< قلبتها فلم هندي
المهم نرجع للسالفه
هم اللي راح يذبحوني 8 اشخاص ومن بينهم خدامتنا
اعرف راح تستغربوا 8 مره وحده وكمان خدمتها
الحين اقولكم وش سويت فيهم وليه يبغون يذبوحوني بالتفصيل الممل
نبدا
الشخص رقم (1)
اخوي وهو اكبر مني بسنه
قبل اربعه ايام جلست على جهازه وقعدت العب فيه والا والجهاز انخرب ويجي وهو يصارخ علي 
خربتي جهازي الله لا يبارك في شيطانك
الا اقوله خذ جهازي الين تصلح جهازك الحمد لله
الله ستر بغى يعلقني في المروحه
واليوم عفى عني ^_^
الشخص رقم (2)
زميلتي
كان عندنا درس في الفيزياء لازم نشرحه يوم الثلاثاء فسويت نذالة في زميلتي وغبت
هي عصبت علي لكن الابلة اجلته ليوم السبت يعني لا مفر >_<
بعدين اعفت عني قالت انا عارفه حركاتك 
يعني باقي 6 اشخاص مااعفو عني 
الشخص رقم(3)
الخدامه
الحين راح تقولوا وش سويتي فيها ذي المسكينه حتى هي ماخليتيها تتهنى بحياتها
وش اسوي احب اتنذل عليها
الخدامه كل ماتجي تنظف المطبخ ادخل انا وراءها ومااخرج الا والمطبخ معفوس عفس
امس سويت نفس الحركه عفست لها المطبخ بعد ماقعدت ساعه وهي تنظفه المهم شافتني وانا خارجه وتطالع فيا بنظرات الله لايوريكم يمه بغيت اموت من الخرعه يوه حسيت انها راح تقلب المطبخ علي 
الا الحين مااعفت عني الله يستر
الشخص رقم (4) ورقم (5)
بنت خالي وولد خالتي
هذا سالفتهم سالفة
هي وولد خالي كان بينهم موضوع صجوني بيها لهم شهر قلت خليني احلها لهم
زي مايقولوا ( جات تكحلها عمتها ) <<هههههه
بنت خالي لها كم يوم في المستشفى
وولد خالتي ماصار له حسى بالمره
كنت ابغى اجيب اجلهم
بنت خالي اليوم راح اروح عندها الله يستر شكلي راح اتصفق منها 
الشخص رقم(6)
ابلة الفيزياء
اما هذه الابلة سوت اختبار للبنات قمت قلت لها اجلي لي قالت بشرط راح يكون الاختبار في اربعه فصول مو اربعه دروس قلت ابشري
بعدها سحبت عليها ولا عاد شافتني
مااقول الله يخارجنا في الورطه اللي ورط نفسي فيها راح انشنق منها
اذا مسكتني يوم السبت
الشخص رقم (7)
ابلة الفنى
هذه الله يسلمكم كتبتني تعهد قبل الاجازة لاني غبت في حصتها فرحت لها وسويت لها اني ماراح اعيدها ووريتها وجه البراءة 
قامت لغت التعهد اللي كتبتني هو وقالت لا عاد تغيبي عن حصتي قلت لها تامري امر
وانا بعد الاجازة اغيب عن حصتها شوفو كيف بعد هذا كله اللي سوته لي اغيب << نذالة
وهذه كمان الى الحين مااعفت عني
الشخص رقم (8)
ابله الدين
هذه شكلها راح تعلقني في المروحه زي اخوي
من الترم الاول ودايما وقت اختبار مادتها يكون عندي مراجعه للمستشفى
ومسكينه تقعد تأجل في اختباري وتتبهذل معي بهذله مزيونه
وهذا الاسبوع عندي مراجعه للمستشفى في نفس اليوم اللي حاطه فيه اختبار
حظ نحس
يعني راح انذبح هذا الاسبوع يعني راح انذبح
ومني عارفه من اللي راح يبدا بذبحي
بس شفتم كيف الغلط مو مني الغلط منهم
انا مسويت لهم شيء 
<< باين
عشان كذا اخواتي اخواني
اعتذرت منكم
لاني راح انذبح هذا الاسبوع
يعني ترحموا علي من الحين
بس ياويله اللي يسوي حفلة ماراح يشوف خير 
<< كمان لها عين تهدد
ومع السلامه
نذولة 
