سيداتي و سادتي الحضور
حبيت اليوم انزل لكم هذا الموضوع الموثق علميا خصوصا بعد ما انتشرت ظاهرة الرجيم الغريبة
أولا :
من الأخطاء الشائعة اللي يقع فيها معظم الناس هي فكرة انو الرجيم لازم يكون بس ع الفواكه
و البعض ينفي النشويات من قائمته للرجيم
و البعض يكنسل اللحوم
ستوووووووووووووووب عندكم
هذا … خطأ !!
السبب : جسم الانسان يحتاج الى انواع الطعام ..
ميصير نثبت على نوع واحد و نعمل لجسمنا سوووء تغذية ساحقة على حساب صحتنا !!
الجسم بحاجة الى كل من البروتينات و الفيتامينات و الكاربوهايدارت و السكريات و حتى الدهون
يب يب
حتى الدهون !!
طيب الحين الناس البدينه بتقول : طيب لعد ايش اسوي ؟؟؟ ابا اخسر وزن و انت تقول انو الجسم محتاج للدهون
طيب كيف يعني ؟؟
الجواب :
نعم الجسم يحتاج للدهون و خاصة االكولسترول المفيد للحفاظ على صحة الدماغ
و ما احد لازم يقلع عن الاكل و الشرب لخاطر شوية شحم
الحلول للوزن الزايد بسيطة
الحل الأول :-
انت و اياها ي حلوين ما لازم تاكلون كل السعرات الضرورية في وجبة وحده
اصلا ما لازم تفجرون الصحن اللي قدامكم بالاكل و تمسحونه مسح و يمكن البعض بعد يمسح صحون باقي الناس وياه xD
له له ي حلوين
شوي شوي و بالهداوة ي حلوين
انا على صحن معكرونه صغير آخذ لي ساعه و نص حتى اخلص نصه
يب يب
نص صحن معكرونه بيخلص في ساعه و نص مش في 3 ثواني ي شطار
الأكل البطيء يساعد في عدم تكون الشحوم الغير مرغوب فيها داخل الجسم
و خاصة على منطقة الخاصرة اللي يسموها بالكرش !!
هاه ..
اكمل ؟؟
طيب طيب
دقايق و اقول لكم باقي الحلول 
و راح اوريكم الحياة السليمه كيف تكون 😛
