أرجوك.. يكفي تلعب وتخون ..
خلاص كافي تظهر لي فنك ..
عافك خاطري وعافك القلب الحنون..
تظن برجع ..! لا ياسيدي خاب ظنك..
تظن بندمـ..! صلح ياعيني الظنون ..
انـت..!
ماتعلمت الخيانه .. هي تعلمت منك ..
وتبيني ارجع .! ماعرفتني من اكون ..
انا تاجك .. وتاج ابوك .. وتاج عمك ..
انت من حياتي انتهيت وكل شي بعدك
يهـون ..
*********************
آآآآآآآآهـ يايمه لو يعود ..
كان تصبح الدنيا بعد الظلام الواان
واصير بقربه لين يمل من شوفتي ..
وان مل..قربت وضميته واخذته بالاحضان ..
وتصير عينه ماتناظر نظرتي ..
وان همس لاتبتعد اخاف.. تراني جبان..
ضميتــه اكثر وزدت بضمتي ..
وأهمس له بشوق .. لاتخاف آن الآوان..
وأصبحت دنيااك هي نفسها دنيتي ..
******************************
تفضلو ,,هالمجموعه .. اتمنى,, تعجبكمـ،,
راح الفــرح وحـل للحزن عهـد
عقب الحبيب اللي مضى وانقطعت اخباره
تفارقنــا وكلٍ على وجهته شد
يداوي جروح قلبه و ينفض غبـاره
**************************
( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على .. التعبير وإملائي
***************************
هاكْ أغراضك وكل شيٍ يذكّرني بوصلك
وعطني بس قلبي وكل ما راح إعتبره حلالك
حتى لو قلبي تكسّر جيبه مكسورٍ نزفْ لك
يمكن ألْحَقْ باقي نبضه ويسْعِفهْ واحد بدالك
***************************
كافي يـاقلبـي لا تـزيد الهمـوم
راح اللي راح وصعـب يـرجع
لا تتعـب نفسـك عـلى شخـص مـاله لـزوم
إنـساه يـاقلبـي ولا تخضـع
يـاما خضعـت لأجـله وبالآخـر مهـزوم
ويـاما تكلـم وإنـت تسمـع
صحيـح كـان غـالي لكنـه مغـرور
شيفيـد الغـلا دام إنـه نـكر ..
**************************
حبيبتي وان جيت اسولف لك ابطيت
أبطيت اسولف لك والاحزان تمدي
غيبتك موت وهالمسافة توابيت
وان مت من بيكمّل الحزن بعدي
***********************
كل المواقف تهون لأبسط خيار
المشكله لا صار صعب اختياري
عقلي يقول اتخذ فيه القرار
وقلبي يقـول لا تهــور حـذاري
اسهر وبالي يحتوي كل الافكار
اسهر وصدري تشتعل فيه ناري
انـتـهى فيـنـي الامــل والانتظار
كم كـسـيت الـحـب و الحـب عاري
*************************
كنت أظنّ الخِلّ ما ينسى الخليـل
لو يذوق الموت و يقطّـع وِصَـل
كان بأرضى منك بالشيّء القليـل
بسّ زدت السَمّ و أنقصت المصل
***************************
اتصل بي واسأل وسلم دام عيني منك مقهورة
هاجرني ليش ما ترحم فرحتي وياك مكسورة
من سنة في الحب تتكلم وانت جاهل علم دستوره
والله أنك صرت ما تفهم في معاني الحب وبحوره
غصب لاخليك تتعلم تحترم هالقلب وشعوره
*****************************
إن جيت أضحك يبيّن حزني في عيني
يا ويل قلبي .. مـن الدنيــا أيا ويله
قلت: أبتسم له وأخبي حسرتي فيني
لقيت دمعـي نزلي وقال: شحليله
******************************
يقولون الــ/ هوى نظره يقولون الهوى أحلام
يقولون الــ/ هوى همسه تذوب خافق فيهــا
يقولون الــ/ هوى دنيا تضمنها الغلا بهيـام
يقولون الــ/ عشق سلطه ولا تقدر تقاويهـا
****************************** *
ولكني أشوف اليوم خداع وبعثره وأوهـام
مثل غشوه على قلبك على عينك تغشيها
مثل كذبه تصدقها معاها دارت الأيـام
مثل فكره على بالك بها نفسك تمنيهـا
******************************
بعض الاشياء ما تسوى يا قلبي تحتفظ فيها
عطر محبوبك اللي راح وبقايا أغراض منثوره
وصوره مرْ عليها الوقت تعاتبها وتحاكيها
لا إنتَ مقتنعْ تسْكتْ / وعيّتْ تنطقْ الصوره
******************************
تعال شوف الجرح لعـلك تأثر …
وإلا تهــزك ذكرياتن قـديــمه …
تعال ( تكفى ) كف دمعن تنــثر ….
ما عاد بالدنيا قلوبن رحيــمه …
وان كان ماشفتك وشوفك تعـثر …
بـأموت وأنت المشــترك بالجريمه
***************************
أنا قديم الهم وأنفع لــ/ عطفك
أما الهوى ياسيدي مركبه صعب
تحبني وأقول من زود لطفك
شكراً لــ/ صدقك وألف شكر على الكذب
****************************** ****
يا شمس عمري دامك بعمري اشرقـت…
ليـه الجفـا مـن بينـنـا صــار عـايـق؟؟
ممكـن تذكرنـي حبيبـي متـى اشتـقـت؟
ونـذر ٍ علـي لاعـاف كـل الخـلايـق
**************************
اختلف وياك في بعض الأمور
واتفق معاك في شي كثير
ان زعلت ارضيك ماعندي غرور
الجفا مابيننا شي خطير
وان حصل من بعضنا اية قصور
مكملينه بــ/ الوفا وطيب الضمير
انت اغلى الناس وان كانوا حضور
قلت حبك هو الأول والأخير
*****************************
أدور لك كلام أجمل و لا أجمل من كلام القلب ؛؛
و عمر القلب ما يكذب نهار يكلم أحبابه
أطير لك حمام البال و أفقد كل ليله سرب ؛؛
يمسيه الورق في حضنه الدافي و يدفى به
شعوري لو نثرته للهبايب كل جرح هب ؛؛
و عنيت الهوى و أهل الهوى و الحب متشابه
__________________
تحيااااتي
