عزيز النفس
لا ذكرى ولا طاري تجيبك عندي بعد اليوم
نسيتك مالك بقلبي لا ذكرى ولاطاري
محيت اسمك من افكاري ولا باقي لهواك رسوم
انا واضح وضوح الشمس وهذي اخر اخباري
انا لو شلت في قلبي اشيل همومي فوق هموم
انا ماني مثل غيري دموعي تفضح اسراري
دور غيري تحبه دور والهوى مقسوم
يحبك مثل ما تحبه وتنساني ولا اداري
انا ما تسرق احلامي من عيوني لذيذ النوم
انا لو نامت عيوني قلبي واعين داري
عزيز النفس ما يقبل ولا يرضى بهواه السوم
ولا يسمع كلام قيل من بايع ومن شاري
عذاب الحب لو تدري طوى قبلي عزيز القوم
شرب همه ولا همه ولا من الزمن عاري
انا ما عيش في الدنيا لا ظالم ولا مظلوم
بيميني لو تفارقني اشيل الحمل بيساري
.gif "thanks")
الغالي ظبياني
لعيونك دقه قلب
اسلام
