السلام عليكم ورحمة الله ..
بما ان المساحة متاحة لجنس حواء بس هني
حبيت من باب السوالف والأخذ والعطا اسولف لكم عن مشكلتي المرضية !
هييه مشكلتي .. مشكلتي في عدم الوثوق بكل الذكور ،ولآحظوا أني استخدم مفردة -ذكور- مب رجال!
لأنه فيه فرق شاسع بين هالمفردتين .. فرق السماء والأرض مثل مايقولون ،آمممم أنا مب ظالمة أدري ان في
خوش ريايل وكفوا بهالدنيا ,يكونون خوش عون وقت الشدايد بس اهما نادرين وايد ..
الي اجوفه واسمعه من كلام وغيره كثران .. خصوصاً بمجتمعاتنا العربية حيث ان الذكر يستغل ديننا الأسلامي
ليسوي إلي يحلوا له بحجة -الرجال قوامون على النساء- ليش ينسون قوله تعالى : ( وَاسْتَوْصُوا بِالنِّسَاءِ خَيْرًا ) !
ليش ما يفهمون ان المراة أكبر من انها تهان ! .. ليش دايم يكسرون كرمتها ! ليش كل مراة في المجتمع لازم تكون
ساقطة حتى تثبت ادانتها! .. ليش تساؤن الظالم بالمظلوم ! .. ليش وليش وليش .. بلا أجابة !
*كفكم بنات انفع اصير محامية صحح
* شرايكم بالي قلته وهل معاي حق بوجهة نظري
؟أنتظر ردكم بآسرع وقت ..
