قصيدة جوري
أهدتني يا خل من الورد جوري
وأهديتها الروح والقلب والعين
لا شفتها يا خل أثور من فوري
كني جبل بركان خامد من سنين
أصدها في النور وأحبها في غوري
ابعد بها الشبهات عن كايد الهين
تبعد تغيب إهيه وتجف بي جذوري
ماحد ابد مثلك يا الراطب اللين
يا وجهها الاشهل يا مصدر سروري
بيين ولو لحظات يا كامل الزيين
بمحيبك الظلمة وبطفيبك حروري
وبنشد جميل أشعار وبرجز لك الحين
يا طيب الكلمة يا لحر يا النوري
يا خاطف القلوب ف حلامي تلقين
صوبج يحج الناس و أوقف أنا دوري
اتريا صوتٍ عذب يزقر ينادين
ما ادري تحبني أنت يا أجمل زهوري
وألا لجميع الناس الورد تهادين
بتضحك لنا الأيام وبطول بنا شهوري
وبزعق أقول الحين لا لا تخافين
يا سيدي يكفي ان اهديتني الجوري
ويكفي احس انج لروحي تغليين
