هذي من القصايد المشهورة جدا جدا عند القبايل وخاصة قبيلة ((عتيبه))
والذي قال هذه القصيده امير وعتيبه الامير/ تركي بن صنهات بن حميدالمقاطي
وهي زي ماتقولون وصف مبالغ فيه ولكنه لغز واليكم اياها :
ياركب اللي مايداني الصفيري……….. هميلعٍ من نقوة الهجن سرساح
امه نعامه واضربوها بعيري………..وجا مشبهانيٍ على خف وجناح
عليه خرجٍ من سلوك الحريري………..وعطاه عودالبروقه عقب مافاح
يسرح من الطايف ويمسي البصيري………شفايفٍ مثل الغرابين طفاح
مذهبك ياراعيه تمر ومضيري……….واحذر تشب الناريجفن من الضاح
وليا ورد يشرب ثمانين بيري……….طرافهن تسعين ودنيهن ماح
رجليه بالحره وصدره يسيري………..ويشرب براسه من على جمه رماح
ياويش هو شي طويلٍ قصيري………..سبق دعاجيل الهو يوم تماح؟؟؟؟؟؟
المناسبه:
ويقولون الرواه انا هذه القصيده قيلت بسبب انّ صلبي جاء عند الامير تركي وقاله اني اليوم خاطرك
واريد انّ اسمع قصيدك ياتركي واريد انا اتراد انا وياك بالقصيد.ولكن الامير تركي ليس بمستوى الصلبي
وقال تركي بن حميد للصلبي انا بعطيك قصيدة اذا حليت لي معاني هذه القصيده سوف ارادك وتسمع قصيدي
ولكن الصلبي عجز يحلها وانتشرت القصيدة بين الناس وسمعها الشيخ/محمد بن هادي بن قرمله شيخ الجحادر من قبيله قحطان
وقال:
ياتركي بن حميد وش ذاالبعيري………ماتجلبونه كان تبغون الارباح
لاعاد له خف وجناحٍ يطيري………انا اذكر الله كيف راعيه ماطاح
ياربعنا باكبر كذب الاميري………ويا حلو كذب مروية علط الارماح
كيف النعامه نوخت للبعيري………. اقو ذا كذبه على الناس فضّاح؟!
المطلوب//// ماذا يقصد الامير تركي بن حميدفي قصيدته؟؟؟
