السلام عليكم ورحمة الله وبركاتة
فى البداية
هذة القصة حقيقية 100%
وعاوزة اعرف رأيكو ايه فى الست دى
اسمحولى اتكلم باللغة العامية
فى الاول
ده راجل طيب جدا والناس كلها بتحبه وبتحترمه
مهما اوصف مش هاقدر اقول لكو واحد من مليون عنه
اتجوز واحدة(ربنا ينتقم منها)
وانجب ولدين وبنت
ودايما كانت تتخانق معاه(ربنا ينتقم منها)
ودايما كان يجيى يشتكى لابويا ويبكى من حزنه
وفى مرة تعب جدا وجت له جلطة على المخ(ربنا يبعدها عنكو)
الهانم مراته بدل ما تجرى بيه على المستشفى دخلته الاوضة و قفلت عليه بالمفتاح لحد ما الجلطة اتمكنت من مخه
فضلت كده واحنا منعرفش
فييييين لما قالت لنا ده تعبان تعالو خدوه
ورمته فى الشارع اخدته اخته يعيش معاها بما انها ارملة ومعاها اولادها
وبدا يتعبب اكتر واكتر بعد ما جت له خمس جلطات كمان ومحدش من الدكاترة قدر يعمل له حاجة
بدا يتعب لما مراته(ربنا ينتقم منها) بدات تبعت له اولاده(على فكرة ولاده كبار يعنى فاهمين)
عشان يضايقوه ويتعبوه اكتر
وفضل كده اكتر من اربع سنين طبعا بعد فترة
فقد الحركة كليا والبصر وقدرته على الكلام
كما انه فى اخر ايامه فقد سمعه وكل ده بسبب الجلطات التى اثرت على مخه وحواسه
وبرده بسبب مراته(ربنا ينتقم منها)
الراجل ده ربنا رحمه وتوفى اول امبارح
الراجل ده يكون عمى
ادعو له بالرحمة
وادعو على مراته ربنا ينتقم منها
التصنيفات
