السلام عليكم ورحمة الله وبركاته
اقدم لكم روايتي المتواضعه (رواية فاطمه)
راح انزلها على شكل فصول كل اربع ايام فصل طويل
اتمنى تعجبكم وراح اتقبل كل انتقاداتكم
ملاحظه : الروايه كتبتها في عدة مدونة بأسمين فراشة القمر & سحر الشرق فقط
واتمنى من اللي ينقلها يذكر اسمي
****************************************
الفصل الأول
العائله الاولى:
محمد الأب رجل في الأربعينات جاد لكنه حنون مع اولاده
نوال الأم في الثلاثينات طيبه لكنها عصبيه تحب بنتها الصغيره كثير
فاطمه بنتهم 18 سنه طيوبه واجتماعيه وحساسه وخجوله كثير
مهمله بدراستها لكنها ذكيه
كريم الولد الوحيد في البيت شخص اجتماعي وعنده ولد عمه بمثابة صديق له عمره 16
شاطر وذكي ومستواه عالي بالدراسه
ريم البنت الوسطى دلوعه وعصبيه تحب اختها فاطمه عمرها 14
متفوقه بدراستها
ليالي آخر العنقود البنت الصغيره دلوعتهم
طلباتهم اوامر عمرها 7 سنوات
باقي الشخصيات بتعرفونها من خلال الروايه
__________________________________________________
اليوم اخر يوم من امتحانات هذا العام لفاطمه لانها بالثانويه
جات امها تقومها بدري عشان تذاكر بس ما رضت تقوم تقول ان مادة اليوم سهله وما يحتاج مذاكره
رجعت امها تقومها بعد نص ساعه عشان تروح المدرسه
وقامت ولبست وفطرت وهي متكاسله لانها الوحيده اللي عندها اختبار
واصلا ما ذاكرت زين قاعده تلعب مع اخواتها وفالتها على الاخر
راحت المدرسه وقابلتها صديقتها العزيزه سماح وسألتها
سماح: ها فطوم عسى ذاكرتي اليوم ؟!!
فاطمه: هههههه ضحكتيني طبعا لا ما عندي احد يذاكر بالبيت انا
وهم يذاكرون ما ذاكرت معهم كيف اجل وانا لحالي
سماح : تصدقين حتى انا
فاطمه: ايه اصدق …… طيب توأمك المصون ذاكرت والالا ؟
سماح: توامي طبعا ذاكرت اصلا ما بقت كلمه الا فصفصتها بالكتاب
فاطمه: خخخخخخ ليش ما طلعتي مثلها
سماح: التوأم مو بكل شي زي بعض يشبهون بعض بالشكل لكن
بالتفكير والتصرفات غير
فاطمه: ايه والله انك صادقه الحين انا وانتي اللي ما عندنا سالفه
داخلين علمي واختك الشاطره ما شاء الله داخله ادبي
سماح:والله اننا هبلان بس كل واحد وميوله…… اقول ما ودك نقرا لنا
كلمتين قبل ما يبدأ الامتحان
فاطمه: لاو الله تبين تمتحنينا بعمرنا ما ودي… يا شيخه يمدحون الغش
سماح: ههههههه على قولتك ……. طيب امشي نروح عند البنات
نخرب عليهم المذاكره
فاطمه: يالله امشي دامنا فاضين
………………………………………….. …………
كريم بالبيت طفشان ومو من عوايده يقوم بدري بس وش يسوي تعود مع الاختبارات
قال مالي الا ادق بصديقي علي واشوف وينه
كريم: الو
علي: هلا والله كريم …. لا يكون ملخبط ترا خلصت الاختبارات
كريم: ادري خلصت بس قمت متعود
علي: ايه حتى انا …. طيب وش رايك نطلع
كريم: وانا ليش داق …. يالله تجهز شوي وامرك اوكي
علي: اوكي انا استناك
كريم: يالله سلام
وسكر السماعه وراح لبس وتكشخ وطلع يمر صديقه علي
اخذه واراحوا يفطرون
………………………………………..
نوال مدرسه بالمتوسطه نفسها اللي فيها بنتها ريم
طبعا المعلمات ما تخلص دواماتهم مع الطالبات تعرفون التصحيح وهمومه
نوال: اقول متى يخلون الكمبيوترا ت تصحح عنا ويريحونا والله تعب
مريم: وانتي صادقه …. خاصة خطوط البنات ما تنفهم والا اذا
جاتك عباره تحيرك ما تدرين كم تعطينها
نوال: يا شيخه خليها على الله الا اقول عطيني خليني اصحح عشان اخلص واطلع بسرعه
مريم : خذي هالاوراق واذا خلصتي عطيني اراجع بعدك
…………………………………….
فاطمه توها طالعه من الاختبار طبعا ما حلت زين لا هي ولا سماح
يالله حطولهم كم كلمه غشوها من البنات اللي قدامهم واللي تفلسفوا فيه من راسهم
فاطمه تكلم صديقتها آلاء مهمله زيهم وفالتها
واحلام بعد مثلهم وسماح
ديلين الاربع كلهم شله وحده ومقومين المدرسه عليهم وما في احد ما يعرفهم من كثر ما هم مشاغبين
فاطمه: ها بشري لولو عسى جاوبتي والا مثل كل مره
احلام: لا تسألينها احسنلك اكيد ما جاوبت
آلاء: اقول لا تتفلسفين بس من شطارتك
احلام: على الاقل اشطر منك
فاطمه وسماح: خخخخخخخخخ بس هونوا عن حركات اليهال دي
آلاء: اقول احنا الاربعه الله يشفينا ما ندري متى نكبر
سماح: انا ادري متى
الجميع: متى ؟؟؟
سماح: اذا حجت البقر على قرونها
الكل: ههههههههههههههههههههه
سماح: طيب اقول امشوا نشتري من المقصف بعد ها الاختبار اللي تعبناه
فاطمه: انا طبعا ريقي ناشف ابغي ماي … يالله هجوم على المقصف
الكل: هجووووووووووووووووووم
طبعا اليوم اخر يوم تعرفون هبال الثنوي يتأخرون بالمدرسه و يقلبون المدرسه فوق تحت
شوفوا وش سووا البنات الحين
سماح: اقول بنات يالله محنا لاعبين والا ويش السالفه
فاطمه: كيف ما نلعب اليوم اخر يوم ……. ها لولو جبتي البخاخات زي عادتك
آلاء: افا وانا اقدر ما اجيبها بالشنطه
احلام: طيب اصبروا شوي محد بدا يلعب ما نبي نصير احنا الهبلان بالاول
فاطمه : اقول وحنا وش علينا من الناس بس يالله نبي نلعب واذا انتي مستحيه اقعدي
احلام: لا والله وش اقعد تشوفون انا اول وحده بلعب
وراحوا لعبوا بالبخاخات وما بقوا بنت الا رشوا عليها
في ناس يدعوون عليهم وناس يضحكون لهم وناس قاموا معاهم
وبعد ما خصلت بخاخات الثلج طبعا هذه بكل مدرسه تصير هجوم علب الماي
ويرشون على بعض
وقعدوا يلعبون ويضحكون وكل شي وخلاص يوم قرب موعد خروجهم من المدرسه
كأنهم توهم يحسون ان اليوم اخر يوم وما راح يشوفون بعض ثلاث شهور
سماح عاد اكثر وحده حساسه فيهم اكثر من فاطمه
سماح: لالالالالا بنات مستحيل الحين اخر يوم
فاطمه: اقول اسكتي لا تصيحيني معك ترا ما احب هالحركات
سماح: والله ما اقدر امسك نفسي
احلام: والله انك صادقه
فاطمه: حرام عليكم وانا حالفه اني ما اصيح اليوم خربتون علي
آلاء: ههههههههه شكلكم تحفه وانتون تصيحون امشوا بس شوفوا البنات يضحكون عليكم
سماح: واحنا وش علينا حرام عليكم خلونا نعبر عن مشاعرنا
الكل: هههههههههههههههه
فاطمه: وش دي المطالبه بحقوق المرأه السياسيه وانا ما ادري
الكل: ههههههههههه
سماح: طيب طيب تتمسخرون علي انا ارويكم
فاطمه: لالالا لاتزعلين كنت امزح معك يا قلبي
سماح : عارفه طيب تعالوا بعطيكم شي
وراحوا معاها صديقاتها وعطتهم هدايا كلهم وكل وحده جابت هداياها واعطتها للباقي
متعودين يهدون بعض كل اخر سنه واذا كان عيد ميلاد وحده فيهم
حانت ساعة الرحيل وقعدوا يصيحون ويودعون بعض وكل وحده راحت بيتها بعد وداع مرير
الا آلاء ما نزلت منها ولا دمعه لانها
دايم تقول ما احب هالحركات سخافه
طبعا كانوا يتواصلون عن طريق التلفون ورسايل الجوال ومسن
رجعت فاطمه البيت وعيونها منتفخه وشكلها يضحك عاد استلموها تعليقات
كريم: خخخخخخخخخ وش فيه وجهك احمر كأنه طماط
فاطمه/ ما يخصك
فاطمه: اوووووووووه سوري انسه فاطمه بس ما اقدر شكلك تحفه
وانتي وجهك كأنه مفقع
فاطمه: مالك شغل فيني اصلا انت ما عندك احساس
وراحت غرفتها وهي معصبه من اخوها كريم اللي ما عنده احساس
دخلت على النت ولقت فيه كم شخص داخل اولاد وبنات عمامها
ولقت بنت خالتها العزيزه مره مره يمكن اكثر من معزتها لسماح او قد بعض وكلمتها بالماسنجر
فاطمه: هلا هلا والله بالنور كله
امل: هلا والله بالغاليه…….. بشري عن اختبار اليوم
فاطمه : هههههههه كل الورقه فاضيه ما في غير اسمي
امل: انتي بس وش دخلك بالعلمي بس علميني انتي ادبي ويخب عليك
فاطمه: لالالالا انا قدراتي كلها بطلعها بالجامعه الحين برتاح
امل: من شب على شي شاب عليه
فاطمه: وش فيك مزحك صار مثل العجايز بس تنصحين
امل: طيب ارويك وبعدين اقعدي قولي ياليت اللي جرا ما كان
فاطمه: اقول بس وش اخبار سامي
امل: بخير مره يسلم عليك
فاطمه: كذابه قولي والله
امل: خخخخخ والله توه مر قالي من تكلمين قلتله فاطمه قال سلمي عليها
فاطمه: يا زينه والله اذا شفتينه قولي له انا بعد اسلم عليه
امل: لالالا عيب انا ما اوصل رسايل غرام انتي ووجهك
فاطمه: ( وجه معصب) لالالالا والله وش معنى هو وصلتي كلامه وانا لا وبعدين هذا مو كلام غرام ولا شي بس سلام
امل: اقول بس لايكثر انا الحين بطلع عندي كم شغله بسويها وانتي ما وراك الا الهدره
فاطمه: مع السلامه انا ارويك اذا كلمتك مره ثانيه يا ويلك ما توصلين سلامي
امل/ ههههههه ان شاء الله يوصل مع السلامه
فاطمه: مع السلامه
امل هذه على اسمها بصراحه دايم تعطي الامل لفاطمه اذا يأست والا صارلها شي
بس لازم بالنت كذا يكون مسخره والا بالحقيقه هي مره طيوووووبه
سامي هذا اخو امل اكبر من فاطمه بثلاث سنين
وفاطمه تحبه بس هو ما يعرف عاد بعدين اقولكم مواقف صارت بينهم
فاطمه كانت تحب ولد خالتها ثاني اسمه خالد لما كانت صغيره بس لما راحت للثنوي حست انه حب طفوله بس
والا هي عمرها ما حست انها تحبه او شي وما كانت تحس بهذي الاحاسيس الا اذا شافت سامي بس لمن عرفت انها تحبه
ومره تستحي منه
مع انها لمن كانت صغيره دايم تتهاوش مع سامي
فاطمه كانت على طول تصيح من قبل يقرب منها بس كل واحد اهم ما عليه كرامته ولا عمره احد اعتذر للثاني
حتى بعد ما تغطت منه صارت تتهاوش
بس لمن صارت تحبه صارت تستحي تقوله شي بس سلام وكيف حالك وتروح
وحتى هو صار فجأه يستحي منها
وكانت تشك في نفسها اذا هو كان يبادلها نفس الشعور او لا
بعد ما سكرت النت قالت خليني اخذ شاور سريع بعد التعب وانام شوي لان اليوم لعبت بالمدرسه لعب مو طبيعي
………………………………………….. ………
نوال امهم رجعت من المدرسه توها داخله البيت
نوال: السلام عليكم
كريم: قام حب راس امه وعليكم السلام يمه ليش اليوم تأخرتي
نوال: وش اسوي اوراقهم كثيره مره الله يعيني بس
اقول اختك رجعت من المدرسه؟؟
كريم: ايه رجعت من المدرسه ووجهها متنفخ مره تقولين لها يومين تصيح هههههه
نوال: لاتتمسخر عليها حرام عليك البنات حساسين مو مثلكم اولاد بلا احساس
كريم: انا مو حساس حرام عليك بس يالله ما يخالف متى اكبر بس وتزوجيني اللي في بالي
كريم: كلها ثلاث شهور وانا بالثنوي
نوال: طيب طيب قو م صل ما تسمع الأذان وانا بروح اشوف الشغاله سوت الغدا والا لا
ابوك وصل ؟
كريم: لا .. ابوي ما يجي الحين يمكن باقي ساعتين
نوال: حتى لو بس بشوف الاكل بنفسي
كريم وهو يغمز بعينه: احلى يمه للحين تحبين ابوي ها !!!
نوال: ههه طبعا احبه مو زوجي ويالله قم بس مو فاضيه لك بشوف الغدا وبدخل انام لين يجي ابوك
كريم: ان شاء الله يمه من عيوني انتي تأمرين امر
……………………………………..
ريم توها تقوم من النوم طبعا لانها سهرانه الى قريب الفجر هي واختها الصغيره ليالي على التلفزيون
ريم: صباح الخير يمه
نوال: اي صباح انتي ووجهك الحين ظهر
ريم: ما يخالف المهم بالنهار مو ليل
نوال: يابنتي توها الاجازه ما بدت وانتي ما سرع لخبطتي
ريم: يمه حلاة الاجازه بالسهر
نوال: وهي بدت الاجازه حتى النتايج ما اخذتوها اصبري شوي
ريم: ان شاء الله طيب يمه بروح المطبخ باكل كرواسون وبصلي
نوره: طيب لاتصجوني بدخل انام شوي لين يجي ابوك
ويا ان تهاوشتين انتي واختك ليالي
ريم: وانا اقدر دي الغاليه كان كل اللي بالبيت يكفخني لو مزحت معاها بس مو عاد اضربها
نوال: ايه بعد دي الغاليه
ريم: طيب طيب اقول تراني غرت اروح المطبخ اكل احسن لي
نوال: هههههههه الغيوره ولا تزعلين انتي بعد غاليه بس بسرعه اكلي وروحي وصلي
ريم: ايه اشوا طيب يا احلى ام من عيوني
نوال: ههههههههه الله يهديكم ان شاء الله
وراحت تنام لها شوي الام
وقامت فاطمه من النوم وقعدت مع خواتها واخوها عند التلفزيون يسولفون
وكريم شوي يستفزها على موقف اليوم هي ووجها اللي محمر وخواتها يضحكون وتعصب عليهم
كريم: فاتك يا ريم وجه فطوم اليوم وهي راجعه من المدرسه كانها كوره متفقعه
ريم وليالي: ههههههههههه
فاطمه: لا والله يا ريم انتي ووجهك ما تتذكرين نفسك لمن رجعتي من المدرسه كيف كنتي
كريم: وشو وشو قولي لي عشان نتمسخر عليها
ريم: لالالالالالالالا خلاص اسفه بس لا تقولين شي
فاطمه: هههههههه ناس ما تجي الا بالعين الحمرا
كريم: انتم البنات سخيفين تصيحون على اشياء تافهه مالها داعي
فاطمه: احسن منكم الاولاد قلوبكم متحجره ما تصيحون ابد ولا عندكم مشاعر
كريم: خخخخخخخ الاخت حاقده مره اقول اروح غرفتي لا تهجمون علي الحين
الجميع: هههههههههههههههههههههههههههههههههههه خواف
وعلى الساعه ثلاث جاء الابو من دوامه واستقبلوه كلهم وقامت الام وتغدوا كلهم
وكانت جلستهم كلها ضحك ووناسه وشويه مشاحنات بين كريم وفاطمه
بعد ما خلصوا غدا راحوا الام والابو ناموا والاولاد عند التلفزيون
فاطمه: كريم حبيبي والله انت اخوي العزيز
كريم: اخلصي وش تبين يا مصلحجيه
فاطمه: حرام عليك انا مو مصلحجيه
كريم: طيب طيب نشوف
بعد دقيقه
فاطمه:كريم خذنا بعد العصر مشنا والله خنقه بعد الاختبارات تكسب فينا اجر
كريم: هههههههههههههههههه
فاطمه عصبت: ليش تضحك ؟؟
كريم: توك تقولين انا مو مصلحجيه ما كملتي دقيقه الا طلبتي غرضك
فاطمه: طيب المهم موافق والا لا
كريم: وانا عندي اغلا منكم طيب
فاطمه: مشكوره يا احلى اخ بروح اتجهز
كريم: هههههههه اصبري باقي ساعه على العصر
فاطمه : ما عليه بسوي كم شغله ترا بدق على امل بقولها تجي معنا
وبعد يمكن اروح عندها او هي تجي عندي من زمان ما شفتها وحشتني
كريم: هذه لو ما هي بنت خالتي اشك انها توأمك وش تبي فيك ما ادري وبعدين هي اكبر منك بسنتين
فاطمه: مو شغلك احسن منك انت وصديقك الغالي احمد الدب
كريم: لالالالا عاد حدك كلش الا احمد صديقي
فاطمه: خلاص انت ما ترضى على احمد انا بعد ما ارضى على امل
كريم: طيب روحي اجهزي وخلاص وافقت نمرها بس بسرعه على طول القاكم جاهزين
حنان: طيب وين بتودينا
كريم: ما ادري وين تبون
حنان: ابي اروح الخبر لي شهر ما رحت محبوسه هني بس
كريم: طيب ان شاء الله اجل بجيب اخوها عبد الله معاي ما بظل قاعد معاكم بنات وانا لحالي تقومون علي
فاطمه:ههههههههه طيب طيب كيفك المهم نروح الخبر
كريم: طيب يالله بروح اصلي وبدق عليك انتي وريم وليالي بتجي والالا
فاطمه : لالالا امي تخاف عليها وصراحه ما لي خلق يهال انا رايحه اتمشى
ليالي: احترمي نفسك انا مو يهال ولو ابغا اروح بروح مو على كيفك بس انا ما ابغى بابا يمشيني احسن
الجميع: ههههههههههههههههه
فاطمه: طيب يا كبيره سوري مو قصدي بعد الحين تروح عند امي وتكنسل الروحه
ليالي: ايه احسب كنت بصيح عند ماما لوما قلتي اسفه بس الحين ما بقول شي
فاطمه: شااااااااااااااااااطره يالله تعالي اليوم جبتلك حلاوه مره حلوه
ليالي مبسوطه: من جد وينها
فاطمه: ههههههههههههه بغرفتي تعالي اعطيك اياه
ليالي: طيب بسرعه يالله
وراحت تركض
كريم: ههههههههههههههههههه يا حليلهم اليهال ينضحك عليهم بأي شي
فاطمه: لا تحسدنا بس اسكت لا تقعد الحين تصيح مره ثانيه وتتكنسل الروحه
فاطمه: يلا ريووووم تعالي
ريم: جايه
وراحت حنان وريم غرفهم يتجهزون
………………………………………….. ……………………
فاطمه بتتصل على امل عشان تخبرها تروح معهم
فاطمه: هلا اموله
امل: هلا والله بفطوم
فاطمه: طالبتك تكفين
امل: انتي تامرين امر
فاطمه: ابغاكم تطلعون معانا انتين واخوك عبدالله
امل: لا والله وشو فجأه تقولين
فاطمه: يالله عاد تكفين والله تمشيه روعه بالمره لاتفوتينها
امل: وين اول عشان اقرر اذا تستاهل اروح خخخخخخخخ
فاطمه: لا والله بس اذا التمشيه تستاهل !!
وانا ما استاهل على العموم التمشيه تستاهل مره بعد
امل: وين طيب
فاطمه: بنروح الخبر.ها وش قلتي؟؟
امل مستانسه: من جد اجل بجي
فاطمه: ههههههه طيب اول قولي لامك وابوك وخبريني اذا وافقوا
امل: من عيوني والله
فاطمه: تسلم عيونك يا قلبي ولا تنسين اخوك عبد الله والا ترا كريم ما يودينا
امل: من عيوني دقيقه وارد لك
فاطمه: طيب حبيبتي مع السلامه بروح اتجهز وانتي بعد
امل/ ان شاء الله يالله مع االسلامه
فاطمه: مع السلامه
وبعد عشر دقايق ردت لها خبر انها بتجي هي واخوها عبد الله
وطبعا فاطمه تكشخت عشان لو شافت سامي والا شي ومروا البيت ونزلت تسلم على خالتها وزوج خالتها
………………………………………….. …………………………………….
العائله الثانيه:
الاب: هادي اربعيني طيب ويحب اولاده كثير
الام :زهراء في الثلاثينات اولادها متعلقين فيها كثير
البنت الكبيره : هيا العمر 25 سنه متزوجه حديثا
البنت الثانيه : امل اللي هي صديقة حنان مره عمرها عشرين
طيبه ورومانسيه ويعتمد عليها
الاخ الكبير: سامي اللي هو حبيب فاطمه عمره واحد وعشرين
الاخ الصغير: عبد الله عمره 16
البنت الصغيره: دلال قد ريم اخت فاطمه يعني 14 سنه دلوعه زي ليالي
نزلت فاطمه وريم وكريم لبيت خالتهم عشان يسلمون دخلوا وشافوا خالتهم وزوج خالتهم بالصاله سلموا عليهم
فاطمه وكريم وريم: السلام عليكم
خالتهم زهراء وزوجها: وعليكم السلام
زهراء: تعالوا تفضلوا اجلسوا
فاطمه: مشكوره يا خاله بس وين امل ؟
زهراء: بغرفتها روحي لها
فاطمه: ان شاء الله
فاطمه وهي تركب الدرج شافت سامي بوجهها وهي كانت متحجبه وشايله نقابها
ومن شافته ارتبكت وتغطت بسرعه يعني تداركت الموقف
سامي: هلا والله بنت خالتي وش اخبارك
فاطمه وكل ملامح الخجل مرتسمه على وجهها: هلا سامي شخبارك
سامي: بخير عساك بخير….. انتي اخبارك وبشرينا عن الامتحانات
فاطمه وفجأه جاتها ضحكه: هههههههه الحمد لله الامتحانات عال العال
سامي مستغرب: وليش تضحكين طيب ؟!!
فاطمه: لا بس سؤالك يضحك كيف امتحاناتك يعني ما تعرفني … انت ادعي لي بس ما ارسب
سامي: انتين للحين ما عقلتي ….. احسبك كبرتي وعقلتي
فاطمه عصبت منه: لا والله تكفى يا شيخ انت ووجهك انت راسب لما كنت قدي
سامي: ايه ما علينا ماحد يقدر على لسانك
فاطمه: طيب وخر بروح لامل
سامي: انتي اصلا ما تستحين تعزمين امل وعبد الله وانا لا
فاطمه: لا محد منعك تبي تجي الله يحييك
سامي: والله اجل خلاص احجزو لي مكان بالسياره الحين جاي
فاطمه وعيونها طايره وناسه : من جد ؟
سامي: هههههههههه لاامزح اصلا انا الحين بطلع مع اصحابي
فاطمه: طيب دام انك بتطلع ليش تقعد تستهبل
سامي : افا والله ما هقيتها منك يا بنت خالتي
فاطمه: سوري ما قصدت بس يالله بروح لأختك انا
فاطمه ما تدري كيف تجرأت وتكلمت معاه كذا كان قلبها يدق بقوه
ومستحيه بس ما تبي تبين له عشان لا يعرف
وراحت تركض على غرفة امل
وفتحت الباب بدون استئذان
امل :بسم الله
فاطمه: هلا والله
امل: احد يفتح الباب كدا خوفتيني
فاطمه: اعذريني تراك ما تندرين وش صار من شوي
امل: وش صار لك بعد !!
فاطمه: قابلت سامي بالدرج وقعدنا نسولف ونتهاوش
امل: هههههه انتو دوم كذا مو شي جديد
فاطمه: بس شي اول شخص اشوفه من برا البيت من بعد الاختبارات
امل: هههههههه اسكتي يا المربوشه
فاطمه: يووووووووووه نسيت !
تلقين كريم معصب يالله بسرعه
امل: وانا وش ذنبي راح الوقت وانتي تسولفين مع سامي
فاطمه: طيب قومي لا يغير اخوي رأيه وما ياخذنا
امل: طيب
ونزلوا تحت وباين وجه كريم معصب عليها يعني معقوله كل هذا تناديها
المهم ما قالها شي عشان لا يخرب الطلعه ويفشلها قدام امل
وفي الطريق رن جوال فاطمه متصله عليها سماح
فاطمه تبي تقهر امل: هلا والله بالغاليه
سماح: هلا فيك يا عمري اخبارك
فاطمه: بخير يا قلبي وتطلع لسانها بتغيض امل
سماح: وينك ادق على البيت يقولون طالعه
فاطمه: ايه طالعه الخبر انا واموله واخوي
سماح: والله فله …. ترا غرت منكم بقول لبوي يوديني انا بعد
فاطمه: طيب يالله وخلينا نتقابل
سماح: ليش وين رايحين
فاطمه: ما ادري لسى ما قررنا لحظه بسألهم
فاطمه تكلم اخوها:كريم وين بتودينا
كريم: وش دراني عنكم وش تبون
فاطمه: خلونا نروح مدينة العاب احسن
امل: كيفكم
عبد الله: ايه احسن هناك
فاطمه ترجع تكلم صديقتها سماح اللي الى الان على الخط
فاطمه: خلاص بنروح مدينة الألعاب …..
سماح: خلاص بقول لبوي وامي واشوف
ردت عليها بعد شوي وقالت لها انهم خلاص جايين هي وتوامها المصون رنا
وصلوا للملاهي ونزلوا كلهم هجوم
انتهى الفصل الأول
شنو ممكن تخبي هالرحله ؟؟
فاطمه بتغار من صديقتها والالا؟
ومن راح يقابلون هناك؟؟
