~.. ذكـريــات حفـرت فـي طــريقنــا ..~

مساءكم / صباكم نور و سعادة
و اخيرا اليوم قررت انزل موضوعي في مسابفة سوالف بنات
للفتاة همسات ناعمة
بدي اخنقها هيك > > على هالمسابقة اللطيفة
رغم اني بصراحة هالقسم ما دخلته من قبل
بس لما دخلت شفت هالمسابقة >و عادي يعني ورطت روحي شسوي هههه
المهم اترككم مع المواقف اللي صارت معي و اللي اكثر ما اتذكرها اهي هذه
لان ذاكرتي ما تشتغل لما احتاجها دمرتني وربي
يلا بلا ثرثرة خلي هالثرثرة في الخاتمة
>اي بعد اكو خاتمة ورح تنجلطوا من كثرة الكلام <

كلنا كرهنا المدرسة لكن قابلنا فيها ناس اوفى الخلوقات
اصبحنا متماسكين كأخوات ,, كجذع الشجرة الواحدة
و كاغصانها الملتفه حولها كي تحميها ..
هؤلاء نحن و الزمن لن يستطيع تغييرنا
نعم يفرقنا … لكن لا يغيرنا…!
فالقلوب لا تهوى الا من تحب..
ومن يحبه القلب لا ينسى …!

الموقف الاول ..

انا و صديقتي اسراء > سنفورتي و تؤامتي ايضا <
كنت يومها مريضة و عندي صداع رهيب
و كان الدرس هو درس الرياضيات اللي نكرهه انا و هيَ ^^
سالتها .. : اسراء نطلع برا لاني تعبانه
اسراء_اكعدي و اسكتي هسه تطيبين
انا _ شلون هسه اطيب يعني تحطيلي تعويذة مثلا O.o
اسراء_اسكتي ولج الرجال يشرح موضوع مهم لازم ننتبه يمكن يجي باخر السنة
انا_ما اسكت لازم تفهميني شلون اطيب وحدي و اني اكولج عندي صداع
اسراء ضربتني على راسي و صاحت بصوت عالي وكفت و كالتلي..
اسراء_ولج عوبة مو اكلج اسكتيي خلينا نفتهم الشرح مو هذا الغبي يشرح..
هههههههههه الاستاذ انتبه الها و سالها ..
الاستاذ_ صوتكم خلوني اكمل الشرح …
تعالي هنا … شنوو O.o منو الغبي !!
ههههههههههه الاستاذ اجته صدمة قوية ختيه
ردت عليه اسراء و هي من النوع الخجول جدا
اسراء_اسفة بس هاي ما ترضى تسكت .. العوبة .. الخبلة ..
الاستاذ_ادري انتي كنتي تحجين وياهه طول الدرس
بس اريد افتهم منو هذا الغبي اللي كلتي عليه؟
بهاي اللحظات كلها اني اباوع ل اسراء و المدرس و كيف الموقف حمة بينهم
شافني المدري اضحك و سالني..
الاستاذ_انتي ليش تضحكين …صاير شي ؟
رديت عليه انا _ لا استاذ ابدا ما صاير شي بس كنت
اريد منهه قلم و هي ما ترضى تنطيني وياهه
الاستاذ_يلا ما صار شي ..!
انا _استاذ انا عندي صداع ممكن اطلع.!.
رد الاستاذ بغرابة و كانه على شوي رح يضربني كفف هههههه
الاستاذ_اي براحتج طلعي..
انا_ اممم ممكن تطلع وياي اسراء..
الاستاذ_اي اطلعوا براحتكم ..!
و ربي حسيته رح ينفجر غضب و يقتلنا
ههههه

الموقف الثاني..

يوم كذبة ابريل و كالعادة لازم نسوي وي كل الاساتذة كذبة ابريل..
عندنا استاذ الاحياء نهائيا ما ينخدع باي شي ولا يضحك و لا يبكي >احسه صخرة و ربي
عندنا صديقتي اسمها هاجر حبت تسوي فيه المقلب ..و كان مقلبها تقول للاستاذ ان احنا
سمعناه يتكلم عن شعبتنا بسوء و يسيء النا .. كامت و سالته
هاجر_استاذ انت ليش تحجي علينه بالشعب الثانية عالاساس احنه مو زينين..
هههههههههه هنا احلى لقطة من رد عليها هالرد
الاستاذ_اكلج اكعدي و لا تمثلين ترا هاي مو عليه اني ..ادري بيهه كذبة ابريل..
طبعا الكل تفاجئ لان كل اللي بالمدرسة يكولون ما رح ينخدع و بالفعل ما انخدع..هههههه
طبعا خلصنا شرح الدرس و اعطانا درجاتنا و كالعادة
درجتنا اني و اسراء تؤامتي نفس الدرجة
بالاخير كامت الاء هاي البت تمثل تمثيل فظيع بحيث الكل يصدقها بكل شي تقوله حتى لو كان كذب
و عندها طريقة بالكلام بحيث انها تسكت حتى الاكبر منها
احنا كلنا انخدعنا وي الاستاذ طبعا و ماكو اي وحدة تدري لانها دبرت هالكلام خلال ثواني بس
الاء_استاذ انت ليش ما تسهل المادة النا..
الاستاذ_ يعني شلون
الاء_مثل ما تسوي لغير الشعب احنا هم نريد تلخيصات للمادة
الاستاذ_بس مادتكم ما اكدر الخصهه لانها تفيدكم
الاء_يعني النا تفيد و للغير ما تفيد على حسب المزاج .
الاستاذ_شنو قصدج
الاء_لا ما قصدت شي بس اشوفك تقدم غير الشعب علينا ,يعني لان احنا جدد بالمدرسة ..
ترا صدكني انتقالنا لمدرستكم لو ما كنا مظطرين ما اجينا
الاستاذ_ هدي اعصابج شويه منو كال شي عن نقلكم لمدرستنا.
الاء_مادري بس احس من كلامك و طريقة تعاملك ويانه هذا اللي اشوفه
الاستاذ_لا اني مستحيل افرق بين طالب و ثاني ..بس تعالي هذي كذبة ابريل لو لا..
الاء_لا اني اشوف بهالطريقة …. و بعدين استاذ شنو الميانة وياك حتى اسوي بيك كذبة ابريل ..
الاستاذ_اهدي شوي ترا بديتي تخوفيني ..
الاء_استاذ شوف البنات يرسلن الي رسائل بالاوراق حتى اسكت
و ما افضح البنت اللي كالت هالكلام عنك!
الاستاذ_انتي متاكدة يعني , زين منو هاي البنت اللي كالت عني هالشي.
الاء_انت تعرفها ماكو داعي اقولك اسمها.!
الاستاذ_من وين اعرفها ..!
الاء_اسمها يبدي بحرف ال كاف..
الاستاذ_ بحرف ال كاف !..زين باي صف هي.ز
الاء_ماكو داعي تعرف الصف لان اسمها هو .. كذبة ابريل..
الاستاذ_شنو؟؟ طبعا عرفتهه كذبة ابريل.. خووورب >.~
الاء_اي استاذ انت عرفتها مبين عليك .. هههههه
هههههههه هالبنت و الله خطيرة هي معاي من سنتين بس

الموقف الثالث..

انا و اسراء كمان >قلتلكم تؤامتي هالبنت
اسراء تقولي بحصة الانكلش حتى نطلع من الحصة ونروح نغسل وجوهنا لان ملل القاعة
اسراء_ولج دفاع خلينة نطلع حبابة والله ملل..!
انا_ولج اسكتي فضحتينه الرجال يشرح وحده يعني @.@
اسراء_حبابة سوي نفسج مريضة و خلينة نطلع
انا_يلا احلى فكرة و ربي يلا نطلع .. استاذ نطلع انا و اسراء ..
الاستاذ_ليش..؟!
انا_استاذ احس نفسي عندي صداع و اريد اروح اغسل وجهي ..!
الاستاذ_ماشي يلا روحوا عادي ..!
بس هو عيونة هيج صايرات و ربي @.@ هههههههههه
وصلنا يم الدرج و ردت انزل اسراء وقفت بمكانها و تسمرت ..
انا_ولج يلا تحركي انزلي..!
اسراء_ بس شلون انزل..؟!
انا_لا بربج شلون تنزلين ""انزلي على راسج يعني شلون تنزلين غير على رجليج عوبة
اسراء_لا يا خبلة مو هذا قصدي قصدت شلون انزل وهنا هواي شباب يم الدرج..
انا_ لا بربج يعني هاي هي المشكلة و بس.؟! @.@
اسراء_اي هي هاي..
انا_خووورب صوجي اني فشلت روحي يلا تنزلين لو انزل وحدي..!
اسراء_خلاص روحي انا ابقى انتظرج هنا..من ترجعين حتى ندخل سوا ..!
انا_اي ماشي بس انتظريني مو تروحين..!
اسراء_اي انتظرج..!
نزلت انا و رحت لحتى اغسل وجهي
و لما صعدت عالدرج لقيت اسراء ما موجودة هناك
عرفت انها تركتني و دخلت للقاعة
المهم طرقت الباب و دخلت و قالي الاستاذ تفضلي بس هو كان مستغرب مني
لاني ما رجعت مع اسراء بنفس الوقت فهي الغبية دخلت للقاعة لما نزلت عالدرج ..
و بهالاثناء ادرت راسي الهه لان هي تقعد وراي دايما >تحب تزعجني >
و هددتهه ::
انا_و ربي الا اموتج يا خبلة ليش تعوفيني
اسراء_اكلج اسكتي خفت..!
طلع الاستاذ و بده الضرب هههههههههه
و التلاطم فيما بيننا و رغم هذا تخانقنا طول اليوم بس خلال الدروس وحدة تنادي الثانية
هههههههه و ربي مجانين و باخر اليوم تصالحنا

الموقف الرابع..

اخر يوم الامتحانات هاي السنة
سالت صديقاتي ان ناخذ صور لان يمكن ما رح نتلاقى خلال الايام الجاية ..
انا_بنات ليش ما ناخذ صور كذكرى يعني
نهلة_اكلج روحي لا تخليني ادفرج
جنان_ولج دروحي والله انتي فارغة
غسق_اكول بنات اني جوعانة
ياسمين_(البنت العملاقة عندنا وكمان هي سمينة جداا يعني لما اغلط بحقها وما اعتذرت رح تقتلني )
اكول اني ههم جوعانة ..يلا نروح نشتري وناكل
اسراء_يلا اني رايحة لان اخوي رح يجي ياخذني تلكينه واقف عند الباب..!
انا_خووورب مو جني اسولف وي روحي @.@
المهم كلهه تركتني و انا لازمة الكاميرا اريد اصور وربي طلعت روحي بهذاك الوقت
ههههههههه المهم انهن ما نسني بخصوص الاكل

الموقف الخامس..

لما كنت في الابتدائية كنت في صف الاول ابتدائي كنت عنيدة جداا وما اسمع كلام اي احد
و لحد الان انا هذه طريقتي كانت عندنا معلمة الاسلامية اسمها فاتن
هالمعلمة صعبة و تكره كل شي و عصبية و قوية بالضرب >حس حالي اوصف فيل
وصلت انا باول يوم الي هنا
و دخلت عالصف و قعدت بثاني طاولة لان كنت قصيرة جداا
فاتن_هييي انتي شتسوين هنا
انا_شسوي هنا ..! @.@ غير طالبة يعني شسوي بربج
فاتن_تادبي ولج
انا_و ربي ضايجة وخري عني ..
فاتن_اسمعوا شلون تحجي
انا_بليز اتركيني لحالي ممكن يعني..!
فاتن_ليش ما لابسة الحجاب
انا_بكيفي و يعجبني عندج شي يمنع هالشي يعني @.@
فاتن_خووورب تعاي ولج لهنا
و ربي سحبتني من اذاني حسيتها انخلعت من مكانها ههههههههههه
فاتن_ولج تجين باجر لابسة حجاب و الا اطردج مفهوم
انا_ما تكدرين انتي مو المديرة
فاتن_خووورب اكعدي ولج والله حطمتيني..!
انا_اي ادري حطمتج ..!
وربي فشلتها خطية ما كانت تستحق ههههههههه الله يذكرها بالخير و يسعدها وين ما كانت

الموقف السادس..

في الثالث الابتدائي كنت مشاغبة كالعادة وكنت ارسم على السبورة رسومات او بالاحرى خربشات
وكان عندنا بنت متعجررفة الى درجة لا توصف دخلت للصف و قالت>بالمناسبة اسمها ورود<
ورود_شوفوها شتسوي مجنونة
انا_ماكو مجنون غير اللي يكول هالكلمة و ربي
ورود_شنو قصدج..!
انا_و الله مدري شنو القصد من كلامي !؟ @.@
ورود_الا انادي اختي تكتلج هسه..!
انا_اي عادي جيبيهه منو كالج رح خاف اصلا..!
؛؛ بالمناسبة انا اختي و اخت هالبنت ورود بنفس الصف و انا و ورود بنفس الصف كمان
>صدفة غريبة >
ورود_الاء تعالي شوفي هاي شلون تكلمني..
الاء_شكو شصاير..!؟
انا_و الله مدري شوفي اختج التحفه
الاء_شسوت اختي..؟
انا_ اسالي البنات اللي كاعدات و سمعن السالفة كلهه..!
و بالفعل سالتهن و كالن كل شي صار و اخذت اختهه و ضربتهه كدامنه
و ربي حسيت بالنصر كانت تستحق بس رغم هالشي انزعجت لان اختها ضربتهه يمنه
بس لما طلعت اختهه ضربتني راشدي محترم و هربت لاختها حتى تقوللها باني ضربتها..!
طلعت ورود تركض من الباب وما ان طلعت حتى لزمتها من شعرها و حطيتها عالارض ..!
و رحت اضرب فيها بوكسات وربي >حس حالي بالطفولة مثل اندرتيكر <
بعدين فرقن بينا البنات اللي كانن كاعدات هناك وهن نهلة و بنين و سهاد ..
نهله وياي من الاول و بنين من الاول كمان بس تفارقنا قبل سنتين و سهاد كمان من الاول ابتدائي
بس تفارقنا قبل سنتين كمان ..!
المهم ركضت ورود لاختها و ما ان وصلت لاختها حتى انا سويت شي رهيب و ربي
اخذت حقيبتها ومزقتها و رميتها عالارض ..و لما شافتني اختها عالاساس اجت تضربني قمت انا ضربتها
و ربي احس حالي صرت بطلة لما كنت صغيرة ههههههههههههه
و بالمناسبة حاليا انا و ورود صرنا من اعز الاصدقاء

برب لا احد يرد