سلام عليكم ورحمة الله وبركاته
المقادير ..
× بسكوت حسب الكمية ..
× زبدة فول سوداني ..
× نستله .. >> " اختصار حليب مركز محلى .. هع "
× كاكاو هيرشي .. " لـ التزيين "
مقادير توفي شذو .. " من نتائج تجارب عديدة إلين ضبط معاي خخ "
× كوب سكر ..
× 34 علبه حليب سائل ..
× شوويه زبدة وماي ..
الطريقة ..
تطحنين البسكوت .. ثم تحطين عليه الكمية المناسبة من النستله وزبدة الفول السوداني ..
وأنا أضيف قشطه عليه .. ولأني نسيت اصورها بـ المقادير .. حطيتها لكم هني عشان تشوفونها >> 
المهم لما تصير عجينه زينة ومتماسكة ..
نقوم بـ عمل التالي ..
نجيب غطا الدوا الشفاف اللي هو موجود بـ الصورة ..
ونحط عليه قطعه من نايلون التغليف .. كما هو موضح >> ما أعرف أشرح أبد 
وناخذ قطعه من العجينة ونكورها ونحطها فوق النايلون ..
شوفوا كيف ..
وبعدها نسوي تجويف داخل العجينة .. يصير شكلها مثل القالب ..
و نسحب النايلون وتطلع بـ كل سهوله ..
طبعاً هذي أول وحده سويتها وثقيله المفروض اصغر الكرة عشان تطلع رقيقه ..
ويكون التجويف كبير نوعاً ما ..
ولما تخلصين الكمية كلها .. وحاولي تخلينه مغطي عشان ما ينشف ويتكسر معاج ..
وبعدها تسوين التوفي ..
تحطين كوب السكر على النار مع شوي ماي وشوية زبدة ..
الحين اخذي علبه الحليب وحطيها في ماي مغلي .. السبب عشان يصير الحليب حار وما يزعجج لما تحطينه على السكر ويتجمع ..
والحليب طعمه أحلى من القشطة .. ولو بغيتي تحطين قشطه هم حطيها في ماي مغلي وخليها تطول أكثر من الحليب .. عشان ما تتكتل لما تحطينها على السكر .. المهم
انتظري السكر الين ما يصير لونه تسذا
وحطي عليه الحليب واخلطيه ..
وخليه شوي .. ثم ارفعيه عن النار ..
وصبي شوي من التوفي في كل قالب ..
وزينيها بـ قطع الكاكاو ..
هذا الشكل النهائي ..
والطعم خيااااااااااااال .. 
الحلي ثاني ان شاء الله يعجبكم
ميني تشيز كيك ..
" بـ صراحة هـ الحلى روعة ويذوووب بـ الفم .. لا يفوتكم من قلب
المقادير ..
× بسكوت مطحون " حسب الكمية اللي بـ تسوينها" ..
× زبدة حسب كمية البسكوت 
× علبة قشطة
× نصف كوب سكر
× 5 حبات جبن
× 3 ملاعق كبيرة حليب بودرة
× اوراق البلاسيه
الطريقة ..
اخلطي البسكوت مع الزبدة
وجيبي اوراق البلاسيه حطي فيها منه
في الخلاط حطي السكر والحليب والجبن والقشطة
^^^^^^
" آه مدري وش لقفني وخلاني اصور هـ الشيء الشرير .
تدرون وش صار طاح جوالي داخل خخخخخخخخخخخ ..
وحاس الدنيا حويسه وخلاني أتأخر 
وصار ما يشحن عدل 
"
المهم حطي من الخلطة فوق البسكوت ..
ودخليهم الفرن الين ما يتحمرون عـ الخفيييييييييف
وبعدها التزيين على راحتج ..
أنا سويت نوعين ..
الأول حطيت عليه جوز وتوفي ..
هـ الصورة بس عليه جوز مدري وين راح التوفي 
والثاني حطيت عليه قطع كاكاو و هيرشي سائل ..
حطوه بـ الثلاجة عشان يبرد ..
ثم قدموه
الشككككل النهائي ..
تم بحمد الله ..
طبعاً ولا وحدة منكن تطلع إلا تاخذ قطعه ..
وهذي القهوة .. لزوم تعديل المزاج ..
