السلام عليكم ورحمة الله وبركاته
تحيه طيبه للجميع
تكفون خلوني
انا وقلبي والزمن والمعاناه
.مدري نخون الحب والا نصونه
لو كل منا ياخذ اللي تمناه
..ابا خذ وانتم خذوا ماتبونه
من نظرته افهم على طول مغزاه
وافهم كلام فيه ما تفهمونه
اخذ كلامه واحفظه واتحالاه
.بالذات لا صارت تكلم عيونه
خافوا من الله لا تجيبون طرياه
..القلب من طاريه جنت جنونه
خلوني اخذ سجة الحب وياه
..يقبل طعوني واتقبل طعونه
اكذب على نفسي اذا قلت ابنساه
..لا تجرحون القلب لا تجرحونه
الوصف وصفه والحلايا حلاياه
.اخاف اوصف ياقف الوصف دونه
والله ما عمري تمنيت فرقاه
.لا تعذلون القلب لا تعذلونه
تكفون خلوني ابا عيش دنياه
.والله ماتسوى حياتي بدونه
