بهيجة:بهـــــجت انت لسة نايم يا راجل دي الساعة بقت 9
بهجت:حرام عليكي ده النهاردة الجمعة
بهيجة:وأيه الفرق بين جمعة ولا سبت كلها ايام وبتعدي
بهجت:يا انا يا اللي في بالي ولو اللي في بالي يبقى احسن
بهيجة:انت بتدعي عليه
بهجت:هو انا اتكلمت
بهيجة:ما انت بتقول يا انا يا اللي في بالي وهو في حد في بالك غيري
بهجت:أحبك كده وانتي واثقة من نفسك قوي ريحي نفسك مش انتي
بهيجة:ومين بقى اللي في بالك ياسي بهجت
بهجت:هيفاء وهبي
بهيجة:ومين الست الهيفا دي كمان
بهجت:معلش نسيت انك من العصر الحجري
بهيجة:والنبي ياخويا مااعرف هي مين
بهجت:لا دي واحدة كده بتبيع جرير على ناصية الشارع
بهيجة:والحزمة بكام يمكن تكون ارخص من السوق
بهجت:يـــــــــــارب الصبر من عندك يارب
بهيجة:شوفت نستني
بهجت:افتكري يابهيجة عشان اخلص وانام
بهيجة:مش فاكرة
بهجت:لما تفتكري تبقى صاحيني
بهيجة:أفتكرت أفتكرت انا عايزة فلوس
بهجت:ارحميني شوية حتى يوم الأجازة عايزة فلوس هتعملي بيها ايه
بهيجة:عايزة اشتري دش
بهجت:عندك واحد في الحمام
بهيجة:انا مش قصدي الدش اللي في الحمام انا اقصد الدش اللي بيتحط فوق السطوح
بهجت:الناس في الزمن ده بتعمل حاجات عجيبة انا اعرف ان الدش بيتحط في الحمام مش فوق السطوح كده مرة واحدة
بهيجة:ياراجل افهم بقى انا عايزة دش بتاع التليفزيون بتاع القنوات الفضائية فهمت ولا لسة
بهجت:مش تقولي كده من الصبح وهنعمل ايه بالمحروس ده ما احنا عندنا 11 12 قناة مش عاجبين
بهيجة:ما كلو رغي في رغي انا عايزة اتفرج على نور ومهند ويحيى ولميس
بهجت:بهيجة بلا يحيى ومنهد وبلا نور ولميس
روحي شوفي وراكي ايه وخليني انام احسن
بهيجة:لأ يا بهجت لازم اجيب الدش عشان تشوف الرجالة بيعملوا مرتاتهم اذاي
بهجت:وانتي بتصدقي الكلام الفارغ ده
كله تمثيل في تمثيل
بهيجة:ماهو انت لوشوفت مهند هيموت على نور اذاي مكنتش قولت كده
بهجت:عشان هي نور مش بهيجة يا بهيجة
شــــــــــــــهــــــرزاد
