بسم الله الرحمن الرحيم
هاي كيفكم يا اعضاء اليوم كتبت لكم البارت التاني من روايتي ( الناس ماتسمع … ولا انا مات صوتي)
البارت التانـــــي
صحيت البوم التاني وهي تطالع الساعه شهقت بقوه لما طاحت عينها على الساعه اهئئئئئ الساعهـ 8 الصباح ياويلي ماسويت الفطور راحت الحمام اخدت شاور ع السريع وغيرت ملابسها للبس عادي ورفعت شعرها بسرعه وفتحت الباب وراحت المطبخ استقبلها صراخ زوجه ابوها : وينك يا الغبيه هذا كله نوم وانا من اول استنى انا ماقلت تقومين من الساعه 7 صح ولا لا قالت لمار بارتباك : ها لا اقصد ايه قلتي بس راحت علي نومه قامت زوجه ابوها من الكرسي وظربت الطاوله بيدها وقالت : يصير خير يابنت راشد ارتجفت لمار وقالت : خالتي والله والله اخر مره مابعيدها بس تكفين لا تظربيني طالعتها زوجه ابوها بنظرات كلها حقد وقالت : انا لو ابغى اكفر فيك سويتها لا تحبين اني بشفق عليك قالت لمار في نفسها : اصلا ما اعتقد انه انتي عندك قلب عشان تشفقين خرجت زوجه ابوها وراحت للصاله وجلست عند التلفزيون سوت لها لمار فطور خفيف وقدمته لزوجه ابوها وراحت غرفتها وسكرت الباب بالمفتاح وطلعت جوالها القديم ودقت رقم وهي تدعي من قلبها انو صاحب الرقم يرد رن رنه .. رنتين .. ثلاثه ..بعد الرابعه رد جاها صوت انثوي يقول : الو قالت بسرعه ولهفه وهي كلها شوق للمتصل : هلا رغد كيفك اخبار امك والله وحشتيني وماقدرت تكمل لانها بدت تبكي رغد على طول عرفت المتصل قالت : هلا بروحي هلا لمار كيفك لمار حبيبتي لي تبكي ؟؟ .. للمعلوميه رغد زميله لمار وهي ماتعرف انو لمار امها وابوها توفو .. ماردت عليها لمار بس ينسمع صوت بكاها قالت رغد بمزح : اكيد ابوك زعلك صح ههههههه لمار حبيبتي ابوك مايقصد هو يبغى مصلحتك صدقيني لمار بس سمعت كلام رغد قفلت السماعه ورمت الجوال وطاحت ع الارض تبكي اااااه يالغالي وينك انت والغاليه والله اشتقت لكم اهئئئئ تكورت على نفسها وانسدحت ع السراميك الباااارد وغمضت عيونها وغاصت في احلامه البريئه بعيدا عن واقعها المؤلم بس مين يقدر يهرب من الواقع دقت زوجه ابوها الباب قامت مفزوعه من نومها مسحت دموعها وراحت فتحت الباب قالت زوجه ابوها : اسمعي اليوم راح تروحي السوبر ماركت وتشتري الاغراض الناقصه طيب ولا اسمع اي اعتراض التزمت لمار الصمت وراحت زوجه ابوها غرفتها اذن المغرب وراحت تتوضا وتصلي .. بعد الصلاه قامت ولبست بنطلون اسود وبلوزه فوشي كم طويل فيها نقش بالاسود وصندل فوشي فلات ولمت شعرها ذيل حصان بربطه سودا لبست عبايتها طبعا لمار ماتتغطى بس تحط الطرحه ع اكتافها اصلا عاشت في بريطانيا السنوات الاولى من عمرها واخدت تاكسي واتجهت للسوبر ماركت كان كبير ومزدحم كانت خايفه طلعت ورقه الطلبات بيد مرتجفه وبدت تشتري الي مكتوب في الورقه حست بالعطش وراحت تدور المويه كانت تمشي وعيونها في الارض ..
