الإختيار مثل الإعصار لا فائز ولا خسران

شيء غريب أثار التساؤل لدي
لو خيروني بين إثنين ياترى ويش أختار
هل حياتي مثيرة لهذه الدرجه
لدرجة إنه يحتم علي فرض رأي بهالأهمية
ما أعتقد
فكرت وفكرت وفي الأخير كان جوابي بسيط
صحيح قد مرت علي أوقات حتمت علي الإختيار
فلو فكرت حياتي كل لحظة لازم أختار فيها
من البداية إخترت عائلتي على الناس
بعدها إضطريت أختار من بين أعز أصدقائي
وفرقتنا الأيام وراحت الصداقة ومعانيها
لو خيروني بين المال و حلمي
لأخترت المال ويش فايدة حلم بينتهي يوم من الأيام
حتى هدفي بالحياة ماله معنى
لو أحد خيرني بين الموت و الحياة
بكل سهولة بأجاوب أكيد الحياة
لأن الموت بيجي في أي وقت ليش أقرر مصيري بيدي
لأن الموت له عواقب وياخوفي ما جهزت له زين
تفكيري كذا لأن قلبي ماله وجود بإختياراتي
أختار الصحيح حتى لو كان فيه مماتي
أختار الشخص الصادق من الكاذب
لأن أكره شيء بحياتي الكذب والدموع
أسامح مرة وإثنين وثلاث لكن الخيانة
مستحيل أغفر لصاحبها
ومع كذا أحب نظرة الشخص إلي خيرني بعد الإختيار
إحساس غريب كأنه كلنا خسرنا مع إن الفائز يضل خسران
مع كذا بعد الإختيار طول حياتك بتتسائل إذا إخترت …ويش كان بيصير
وتتحول حياتك لدوامة ما تقدر تبعد عنها