اسكت وخل الكـلام لجرحـي الدامـى

لوغيـرك اللـي يسولـف ماتحمّلـتـه
لكن على شـان عينـك هانـت ألامـى

للحـب مفهـوم عـمـرك ماتخيلـتـه
ماأظـن يستوعبـه تفكيـرك السامـى

هذا الفـراق الطويـل وهـذي أسئلتـه
هـذا حصـاد السنيـن وهـذي أيامـى

يامـا ويامـا عليـك البـال طولـتـه
والعمرعدى وأنا عايش علـى أوهامـي

حتى طريـق الفـراق اللـي تساهلتـه
لقيته أصعب على نفسي مـن أقدامـى

اصبرلـي شـوي لـودمـي تثاقلـتـه
بحاول أستوعب اللـي صـار قدامـي

الحب ضحكـة بعينـك بـس ماطلتـه
عمرك بهالكون شفت أبسط من احلامي!

القلـب لوماخفـق لـك كـان ماشلتـه
ولوماأنت ملهم قصيدي جفـت أقلامـي

هـذا قصيـدي بعينـك لـو تجاهلتـه
ينزف على شأن يروي قلبك الضامـى

العـام طــاري غيـابـك ماتقبلـتـه
واليوم حرماني أصبح مصدر إلهامـى