أبغى رأيكم ياحلوييييييين ^_^ لتربية الحيوانات

(((طعام القطط المعلب)))

وكلنا عارفين انه يسمــن القطط

ويفتح شهيه القــط بشكر كبير!!

وأسوأ شي يسويه الأكل المعلب ولاحظته واتوقع ان الكــل لاحظه

أن القط لو تعود على الأكل المعلب يرفض أي أكل غيرها

مثلا لو القط تعود على الأكل المعلب إذا قدمت له بقايا الطعام بعد فتره يرفضها ولا ياكلها

وتطر تعطيه المعلب باستمرار

والقط يطلب المزيد

وهالاكل فيه مواد تجعل القط يشتهي الأكل بعد فتره قصيرة من تناوله الطعام

ويفتحله شهيته!!

وببساطه القط يسمن ويسمن ويتسمر بالسمنه حتى تصير سمنته مرضيه

وللأسف في بعض الناس عاجبتهم هالسمنه

ويقصدون وضع الطعام المعلب لقططهم 24 ساعه مايفضى الصحن

((حتى لو القط شبعان))

هذا كله عشان القط يسمن

على أساس ان القط السمين (أحلى)

اوكــي احنا ماقلنا خلي القط نحيف او هيكل عظمي

بالعكس خليه سمين شوي حلو

بس السمن العادي غيير والسمنه المفرطه غييير

السمنه المفرطه تسبب الكثيييير والكثييير من الأمراض وقد يعرض أحيانا القط للوفاه

ونلاحظ خمول القط السمين وكسله وكثرة نومه