قصة اتفطس من الضحك اتحداكم ماتضحكون ههههههههه -قصة رائعة

واللي يقراها راح يصطح من الضحك
أتحداك إذا قريت هالقصه وماتضحك
اترككم مع هالقصه اللي صارت بين الطلاب والمدرسين العرب

«« إجتماع المدرسين
المدير : شوفولكم حل بثالث جيم ، فشلونا سمعتهم واصله
آخر الدنيا وجانا كم إنذار من وزارة التربيه والتعليم كله بسبتهم وبكره بيجينا ( موجه )
مخصوص علشانهم ..
¤الأستاذ ‘ فاروق الفستناني ‘ (بلهجه سوريه : شوف استاز تالت جيم مابيجي من ورا راسون إلا المشاكل أنا بأتريح (أقترح) توزعون على المداريس التانيه، كل مدرسه ارمي عليها شي اتنين تلاتي وريح راساك آخي ..
¤رائد الفصل ‘حسني شمعة’
لاشعوريان)(بلهجه مصريه :
نفصلهم !!!!!!
وأبطل دروس خصوصيه يعني
وإلا ايه !! أصدي أنا عندي فكره هايله حتحسن صورتهم أودام الموقه (موجه ) وحخليه يئول إن كل الكلام اللي سمعه عنهم إشاعات ..
¤المدير : بس شوف هذي آخر مره لك إنت وياهم وإلا فصلتهم
كلهم وأولهم إنت، بشوف وش تسوي فيهم وإلا وش بيسون فيك ..

«« طابور الصبـــــــــــاح
مشهد طابور المدرسة الصباحي
الطلاب صافين والمدرسين
والمدير مع الموجه ..
¤حسني شمعة ماسك ميكرفون الإذاعه المدرسية :
والان الإزاعه المدرسيه لهزا اليوم مع ….. تالت قيم
¤المدير مستغرب للأستاذ فاروق : والله اللي يفشلنا
¤فاروق فسناني بإستغراب :
"تالت جيم ،العمى" ويروح للإذاعه بسرعه
طلاب الطابور ضحك واستغرب
يتلفتون على بعض وهم يقولون ثالث جيم !!! ثالث جيم
بيجيبون العيد
¤حسني الشمعة يعطي الميكرفون لـ ‘علي الدب’ ويقول لهم ياولاد زي مااتفقنا وروهم انكو أد المسئوليه ..

«« الإذاعـــــــه المدرسيـــة
¤علي الدب يجرب الميكرفون :
الو الو .. اخوه سعد المعصقل
من وراه "حول حول"
¤علي الدب: مدير المدرسه الفاضل آبائي المدرسين إخواني العيال: سعد ابوعصاقيل،سليمان العربجي،
ممدوح القرد وأبو ريحه ..
الأستاذ فاروق يضرب علي الدب
على قفاه طاااخ ،إحكي ولاه
علي الدب: السلام عليكم أسعد الله صباحكم باليمن والبركات خير مانستهل به اذاعتنا لهذا اليوم آيات عطره من القرآن الكريم يتلوها على مسامعكم الطالب: حمود المطوع
يجي حمود المطوع(لحيه وثوب قصير) ويقرأ سورة قصيرة بصوت رخيم ..
¤علي الدب: اما الآن مع فقرة هل تعلم للطالب حميدان أبو ريحة
¤حميدان بصوت عالي:هل تدري. هل تدري أن للذبابة 6 أعين
هل تدري وإلا ماتدري إن الفار يصيب بمرض الطاعون ..
هل تدري وإلا ماتدري أنه إذا قطعت شوارب الصرصور يقعد يخبط في الجدران
هل تدري وإلا ماتدري أن لكل قطو برميل زباله مخصص يسكن فيه وشكرا ..
¤علي الدب: هل تدري ان بيت حميدان جنب البلديه ..
أما الآن مع حكمة اليوم والطالب: سلوم المفهي
¤سلوم المفهي يقرب ويمسك الميكرفون بيد واليد الثانية في مخباه تحوس يدور الورقه اللي فيها حكمة اليوم ..
يطلع الورقه ويقول:حكمة اليوم
ويقرأ بصوت عالي"البضاعه المباعه لاترد ولاتستبدل "
يسكت شوي ويناظر الورقة ويكمل "شماغ ،طاقتين،شراب العايله،ثلاث فنايل علاق،سروال سنه…."
وهو جالس يقرا إلا وذاك الكف على قفاه من الأستاذ فاروق وهو يقول:"العمى شو حمار ولاه طلع الورأه)الورقه)ياللي فيها حكمة اليوم مو فاتورة ملابساك"
¤سلوم المفهي:طيب طيب
يدخل فاتورة ملابسه بمخباه

¤علي الدب: الآن مع موضوع الصباح للطالب "أخوي سعد أبو عصاقيل"
سعد يفتح ملف أخضر علاق يقرأ
"أعزائي المشاهدين، موضوع حلقة اليوم العطله الصيفيه
"لقد رحلنا في العطله الصيفيه أنا وأهلي إلى بلدي الثاني لبنان
¤علي الدب:تراه تسذوب بالعطله رحنا لخوالي بشقراء..
سعد يلتفت لعلي الدب بزعل ويكمل"ولكن علي الدب لم يكن معنا" ويطلع لسانه لعلي الدب رحنا بالطيارة وكانت أمي خايفه جدا جدا لأنه أول مره تركب طيارة،بس أنا اصلا دايما أركبها، وفي الطياره جت شغالة الطيارة وجابت لنا القهوه والشاي ثم جت وقالت اقلطوا على العشاء،وقلطنا في المقلط مع العفش،وكان الطيار واقف على روسنا ماسك اللبن وقال سموا على عشاكم،ياالله إن تحييكم، وكان مفطحا شهيا،وخلصنا وغسلنا وكان مساعد الطيارماسكن الفوطه والطيب وأعوادالأسنان..
وعندما وصلنا لمطار الملك خالد حقهم،ذهبت أنا لتختيم الجوازات والرخصه والإستماره وذهبت أمي للتطبيق،وكنت اتحدث لغتهم بطفافة لان امي وأبي مامعهم لغة. وقال العسكري:جواز مين هيدا؟
فقلت له"بيي( أبوي باللبناني )
وقال:وهيدا؟
قلت: ميي( أمي) .. وهيدا؟
قلت :خيي(أخوي ) قال: وهيدا؟
فقلت له: نيي (أنا) وكان جوازي
وقال ابوي ماشاء الله عليك ياوليدي إنك بلبل سداح في اللغه اللبنانيه الفصى، التفت عليه وقلتله ،اي لا كان، ثم التفت للبناني وقلت له ترى أنا سعودي مانيب زيكم.. وشكله كان مستغرب يحسبني لبناني…
وفي لبنان سكننا في مدينة بيروت مشيط وكانت جميلة فيها مزارع بكل مكان ولم أشوف عندهم تراب، علشان كذا مافيهم الأشهب ، ورأيت دولا كثيرا وشفت دولة ماعرفتها يوم دققت مكتوب عليها بور سعيد
وشفت المملكه العربيه السعوديه الشقيقه
وكانت رحله سعيده ورجعنا بالسياره ومررنا على تونس الخضراء والسودان السودان السوداء في الطريق عبينا بنزين بعشره لأننا فلسنا وكملنا الطريق الى أن وصلنا بالرفاء والبنين ..
وإلى اللقاء في حلقة القادمة

¤علي الدب:"أما الآن …"
صوت جوال يدق من مخبا علي الدب ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه
صوت حرمه: "ألو"…
علي الدب :هلا بهالصوت ممكن نتعرف
الحرمه: وجع يمصع ضلوعك ،، أنا أمك حصيصه !!!
عليان بصوت مرتبك " يمه "
طلاب ثالث جيم اللي وراه "اسم أمه حصيصه
¤علي الدب: يمه شغلي الرادو
بتشوفينا أنا وأبوعصاقيل على قناة المدرسه إف إم ..
حصيصه: الرادو مايشتغل إنت ناسي إن دشنا خربان ،علي، وراك سارقن جوال ابوك أنا زاهمتن عليه وطلعت لي إنت "
¤علي الدب: مهوب أنا ، أنا اصلا صار لي أسبوع ماشفت جوال ابوي "
حصيصه: اجل اللي تكلم منه وشو؟؟ هذا مهوب أنا،أنا أخوي سعد
حصيصه: اشوى أحسبه إنت
علي الدب يلتفت على سعد أبوعصاقيل:"إنت معلم أمي إن الجوال معي يالحروش"
سعد يحاول يكلم امه في الجوال:"يمه يمه، حنا إلحين في الإذاعه وإنتي على الهوا.. عندك مداخله وإلا طبخة ؟"
علي الدب،والآن مع الشيفة(الطباخه) أمي ..
حصيصه: ماشيفة إلا إنتم وابوكم وتسكر الخط "
¤الاستاذ فاروق يمسك راس علي الدب وسعد أبو عصاقيل ويصكهم ببعض.. طراااخ وياخذ الجوال "كمل ولاه فورت لي دمي ..
¤علي الدب:اما الان مع نشيدة الصباح وسليمان العربجي بعنوان " عصفوري الصغير "
¤علي الدب:سليمان وش عندك لابس بدله حمرا..
¤سليمان: لأني أول مره بمسك ميكرفون قدام الجماهير..
سليمان ياخذالميكرفون ويقول: أحلى تحيةلشباب ثالث جيم، وأحلى تحية للموجه والمدير وأحلى تحية للوكيل بغيابه، وياشباب اللي يبغى إغنية يكتبها على منديل ويعطيها المدرسين يوصلونها لي ..
¤سليمان العربجي:
"أويلـــي،أويلـــي،أويلي أويللي"
"سود العيوووون إكبــــــــار….
والشامة حلــــــووووة ،
"شــــايل جمال الكووون وباليني بلوى "
يحط الميكرفون تحت إبطه،ويقول
"يللا كلنا سوى .. ياثالث جيم "
هالعيون شلون أملها سحر ذوبني بغزلها(يلتفت لصف أول) بوسه من عندك حبيبي تسوى عندي الدنيا كلها "
طلاب المدرسة كلهم يرددون وراه ويغنون وتنقلب المدرسة مرقص وهيصة ..

«« السعــــــــودة
¤المدير بعصبية:ماني قايلكم ..
فشلتونا كله منك ياحصني(يقصد حسني(خلاص ضف وجهك انت وطلابك، مالقيت تحطهم في الإذاعه الا يوم جا الموجه، والله مايندرا وش بيصيرا فينا ..
ويدخل عليهم شاب سعودي في مقتبل العمر تظهر عليه علامات النشاط والحيويه(جنتلمان) "أنا المشرف الطلابي الجديد" جايكم من ادارة التعليم لحل مشاكل بعض الطلاب اللي عندكم"
¤المدير:بس وهذي هي،اقصد مدير المنطقة التعليمية ماأصدر معك قرار ..يعني نقل .. فصل .. سجن ..تعزير"
¤المشرف بإبتسامه:لا…وليه كل هذا، المسألة ومافيها ان الطلاب عندكم عندهم امكانيات وطاقه مهدره ماعرفنا كيف نستغلها في صالحهم، انا متابع موضوع ثالث جيم عندكم من بداية السنة واعرف ان عندهم طاقات جباره بس يبغالها تتوجه التوجيه الصحيح، بس يحتاجون بعض الإهتمام والوقت ،،
ماعندهم مواهب أو هوايات معينه؟
¤الأستاذ فاروق:آيه بلا،عندن مواهب في اللعانة والاجرام "
¤المشرف:"لا أبغى الأشياء المميزة فيهم ماحاولتوا تستغلونها في صالحهم وصالح المدرسة ومجتمعهم ووطنهم"
¤حسني شمعة: دول أبالسة
¤المشرف:كل إنسان فينا لازم يكون مبدع في شي مهما كان بس يبغى مين يكتشف هالعملاق اللي في داخله ويصقله حتى لو ماكان ماهو مميز أكيد بيكون عنده هوايه لشي بتفيده وتفيد مجتمعه وتشغل وقته اذا عرفنا نستغلها"
¤المدير يرد وشكله تأثر بكلام المشرف: "كلامك منطقي ..

«« الهروووب الكبيــــــر
المشرف مع الأستاذ حسني يراقبون طلاب ثالث جيم وهم يهربون من المدرسة ،
علي الدب ياخذ الشناط والكتب ويحذفها من الدريشة ويوصلها لبرا المدرسة من قوة الحذفة..
سعد ابو عصاقيل يركض وينط على السور المرتفع ويجمع الكتب ويقرب السياره لهم …
سلوم المفهي هرب وجلس يرسم على الجدران صور كاريكاتيرية للمدير والمدرسين وعياراتهم ..
¤حسني للموجه: زي مانت شايف سعاتك ..حئولك ايه وإلا ايه دول مجرمين محترفين .
المشرف:ماشاء الله ابداع قمة في المهارات..

«« شبــــــاااااااب المستقبـــل
وبعد كم سنة وبعد أن اصبح المشرف السعودي مسئولا عنهم
صار سعد ابوعصاقيل اللي ينط السور بطل المملكة في الوثب العالي
الدب اللي يحذف الكتب من الدرايش بطل اسيا في رمي الجلة،
وسلوم اللي يرسم على الجدران اخذ جائزة المركز الأول في الفن التشكيلي على مستوى الخليج

تـح ـــــــيآتي للجميع