صورة فى خيالى

(صورة فى خيالى)
ماسك فرشتى وبارسم
صورة شايفها فى خيالى
رسمت سفينة وسحابة
وسما صافيا وضحكالى
رسمت النيل نضيف وجميل
وفوقه الشمس بتلالى
رسمتك إنتى يا بلادى
بنخلك اللى كان عالى
رسمت زهور وبرج حمام
وكان أبيض بلون شالى

وفجأه حاجة هزتنى
وزحف الليل على لوحتى
غرقتى ليه يا سفنتى؟
وياريحة الحزن ليه فوحتى؟
وياضحكتى اللى كانت عالية
سكتى ليه وليه خرستى؟
لقتنى بدور شمال ويمين
وأنادى يابلدى روحتى فين ؟
وأنادى يابلدى روحتى فين ؟
وفين لوحتى؟؟