ميرنا:خليل يا خليل خليل خليل خليلللللللللللللللللللللللللللل
خليل:هااااااااااااااااااااااااااا
ميرنا:اصحى ياخليل الساعة بقت 7
خليل انا صاحي وسمعتوا
ميرنا :طيب ماطفتهوش ليه
خليل: ناااااااااااااااااااااااااااايم
ميرنا: خليل خليل خليل انت نمت تاني ولا ايه اصحى يا خليل خليلللللللللللللللللللللللللللللللللللللللللللللللل
خليل:نعم صحيت والله صحيت طيب والله العظيم تلاتة انا صحيت
ميرنا: قوم من السرير عشان ماتنمش تاني
خليل:اديني قمت ارتحتي دلوقتي حضري الفطار
ميرنا:تحب تاكل ايه
خليل:اي حاجه كله اكل
ميرنا :حاضر يا حبيبي
خليل:ايه ده ……..
ايه ده
ميرنا :في ايه بس مالك
خليل:انا مش عايز بيض مابحبش اكل بيض على الصبح
ميرنا :انت اللي قولت اي حاجة وكله اكل
خليل:تقومي عاملة بيض …..بيض يا ميرنا
ميرنا: طيب تحب اعملك ايه يا قلبي
خليل:لسة هتسألي بصي في الساعة بقت 8 عايزاني اتأخر على الشغل دي مابقتش عيشة دي
وكالعادة الباب المسكين اترزع
ميرنا:مش هو اللي قال اي حاجة هو انا كنت بشم على ظهر ايدي ايه هو ده ماله البيض المقلي ما كل الناس بتاكل بيض بلاش اكله انا
وفي تمام الساعة الثالثة عصرا من نفس اليوم………
ميرنا:حمدالله ع السلامة ياحبيبي
خليل:طيب
ميرنا: هو ايه ده اللي طيب
خليل:مش عارف
ميرنا:مالك في حاجة انت زعلان من حاجة حد زعلك في الشغل أكيد المديرها قولي في حاجة ايه اللي حصل انت كويس انت…
خليل:ميرنااااااااااااااااااااا كفاية اسئلة دماغي هتنفجر بعدين نبقى نتكلم عايز انام ممكن
ميرنا: مش هتتغدى ولا ايه
خليل:ماليش نفس اكل بعدين
ميرنا: شوفت مش بقولك زعلان
خليل: بعدين ياميرنا
ميرنا: اه اموت واعرف هو ايه اللي حصل ومخليه زعلان كده
عدت ساعة ورا التانية وخليل لسة نااااااااااااااااايم
وكالعادة طبعا
ميرنا :خليل خليل خليل خليللللللللللللللللل
انت لسة نايم قوم بقى الساعة بقت 5 وانت لسة نايم قوم بقى انا زهقت وانا قاعدة لوحدي والتلفزيون مافهوش حاجة انت مش هتاكل انت………
خليل: ميرنااااااااااااااااااااا اسكتي شوية
ميرنا:طيب هسكت اديني سكت اهو انا ساكتة خالص خلااااااص
خليل: تعالي نخرج انا مخنوق
ميرنا:ماانت على طول مخنوق يا عمري
خليل: نعم
ميرنا: مفيش يا حياتي ده انا اللي اتخنقت من القاعدة لوحدي زي قرد قطع كده
خليل:معلش حقك علية يلا نخرج بقى
ميرنا:تحب تلبس ايه البنطلون الاسود ولا ….
خليل: اي حاجة على زوقك
خليل:ايه ده ……… ايه ده
ميرنا: في ايه تاااااااااني
خليل: مفيش قميص غير ده القميص ده نحس ما بحبش البسه
ميرنا: انت بتهرج ياخليل القميص ده ماما هي اللي جبتهولك في عيد ميلادك قصدك بقى ان ماما بتجيب حاجات نحس
خليل:يانهار اسود والله ما اخذت بالي مقصدش
ميرنا: لأ تقصد دي مش اول مرة تقول كده
خليل: اعمل ايه بس كل ما البسه تحصلي مصيبة
ميرنا: يعني قصدك ان ماما هي سبب المصايب مش كده
خليل: لأ مش كده انا السبب في اي مصيبة بتحصل
ميرنا: طيب بقى مش هتخرج غير بالقميص ده
خليل: بلاش ياميرنا بلااااااااااااش
ميرنا: هتلبسه يعني هتلبسه يا اما مش هخرج
خليل: يااااااااااااااااااارب يا انا ياهو في البيت ده
ميرنا: انت كمان بتدعي علية
خليل: لأ انا بدعي على نفسي
وبعد محاولات دامية من خليل عشان يقنع ميرنا انه يلبس قميص تاني فشلت كل المحاولات ولبس القميص ( حكم القوي)
وفي العربية…………
خليل: تصدقي انا جعت
ميرنا: طيب تعالى نرجع ناكل وبعدين نخرج
خليل:لالالا انا عزمك على الغدا غدا رومانسي بس لو اغير القميص ده قلبي مش مطمن
ميرنا:خليلللللللللللل
خليل:ده اجمل قميص لبسته في حياتي
ميرنا:طيب احنا هنروح نتغدى في مطعم والأكل اللي انا عملته ده انا رجلية وجعتني من وقفت المطبخ وفي الأخر ماتكلش من الأكل
خليل:بس المطعم ده حاجة تانية عمري ماكلت اكل كده
ميرنا: يعني قصدك طبيخي وحش
خليل: لا مقصدش ده انا بقالي 4 سنين باكل منه ومقولتش حاجة
ميرنا:بحسب
لكن لما وصلو كان في مفاجأة على باب المطعم
خليل:…………
اقولكم ميرنا وخليل قرفوني النهارده هكملكم في الجزء3
