السلام عليكم ورحمة الله وبركاته
المصايب علمتني كيف وقفات الرجال= وكشفت ناساً توارى خلف زيف الأقنعه
به رجالً بالمصايب شامخه مثل الجبال= وبه رجالً مثل ريشه في عجاج وزوبعه
التفت بيوم ضيقي عن يمين وعن شمال= كنت أدور وين شخصاً دايماً واقف معه
كنت احسب انه حزامي بالشدايد والنزال= كنت في كل المجالس امدحه والمعه
وانقطع حبله بيدي يوم شديت الحبال= حبله الواهي بفعله يامحمد قطعه
اكتشفت انه خرافه مثل بيتاً من رمال= مثل مركب في عباب الموج ماله أشرعه
اكتشفت انه خرافه يامحمد من خيال= قصةً تنسج وتحكى والمغفل يسمعه
ياعسى اللي مثل هذا يامحمد للزوال= حيث مابه يامحمد في حياته منفعه
ياعساه يكون فدوه للزحازيح الثقال= عزوتي وقت الشدايد والسيوف اللامعه
فدوة لعيال عمي والمحبين الخوال= محزمي وسلاح حربي في نهار المعمعه
فدوة للعصبة اللي كالمنيفات الطوال=آل يحيى ياعساهم بالنبي مشفعه
والله ان اللي خذلني رجعتي يمه محال=لايفكر يوماً اني عن مطيحه بارفعه
والله ان اللي خذلني مايساوي لي ريال= بعت وده وانتهيت من علاقاتي معه
وآه من حكي بفمي هويقال أو مايقال= والله اني لجل حشمة من حشمت ابمنعه
وياجزى الله الشدايد خير ياعيال الحلال=أكشفت ناسً توارى خلف زيف الأقنعه
.gif "thanks")
مما راق لي
