أبي أتنازل عن حقوقي وأجافيك = علّ الجفا يقـدر يغير حيــــاتي
واللي خلق زينك وحلياك ماارجيك= مسحت حبك من جميع أمنياتي
صممت ابعد عن طريقك وأخليك= لابد ماألقى من يقــدر صفــاتي
تحس بي لاصرت ترجع لماضيك= وتعرف مرارة واقعك من حلاتي
يكفي خلاص ولأبقى شئ يطريك= وأصبحت ممحي من جميع الجهاتي
دام الغرور اطفاك خله بيرويك =واشرب من اللوعات صافي قساتي
ماهمني فرقاك ولاعاد بشريك= بـعتـك رخـيـص ولاعليك حســراتـي
